Tana kennengnganna aghăbăj boedjă rèja kodhoe tana
tjellot, sè semma' ka tasè'. Ḍa'-aḍa'na orèng aghăbăj kennengngan èkalènglèngè taboen ota bă tangghoel akanţa sabă. Kalamon aèng tasè' sorong, tana djărèja èghili'i aèng tasè'; bhǎreng tasè' songrot, aèng ghella' tjèttjèr amarghǎ kaaddhängan taboen. Aèng djărèja sadjǎn abit sadjăn korang sabab èkakan panassa arè kongsè asat, karè boedjǎna sè tjèttjèr. Boedja, sè èkaghabaj tjara bǎrijă,
robăna mèra sarta keddha' amarghǎ katjamporan tjellot sè eddhet è djǎḍijă.
Sopadjǎ dhǎddhina boedja bhersèa, ijä arèja ta' katjamporana tjellot, oreng andi' akkal aghåbäj kennengngan, sè
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
ènjamaè talangan, èator dhăddhi pan-bărămpan lokkè' akanţa sabă, nè'-sakonè'na empa' lokkè'. Tong-sèttongnga lokkè' lapangnga 600 kongsè 900 M.; è pèngghirră talangan bădă songajja kènè', ènjamaè pangalèran, aèssè aèng tasè'.
Talangan empa' lokkè' ghella' sè salokkè' ènjamaè padjhemmoran, sè tello lokkè' ènjamaè pangangghoej. E mosèm nèmbhără' talangan djărèja èoboei djhoeko' akanța tambha', njamana bhălănan.
Kalamon mosèm nèmor ra-kèra è boelăn Mèi otabă Djoeni aèngnga bhălănan èasat, tanana pas èkaor èparata ngangghoej sorkot, kapprana èkaghăbăj ḍări kadjoe. Mon aèngnga la kessap tana djărèja èsalènder ngangghoej salènder kadjoe, parlona sopadjă met-metta. Taboenna èpateppa' pas èpatèmet ngangghoej pakakas, sè ènjamaè pak-teppak, èkaghăbăj dări kadjoe kèja. Parlona taboen
Pangghellar-Bhoeddhi. I. Mad.
4
