10. Totokka bhăb 9.
Kalagghoeănnèpon ghi' petteng kaoelǎ ampon paḍă djhǎghǎ, sabăb pokol ennemma mangkata polè ka ghoenong Bromo. Saamponna lastarè sè adhăndhăn pas akompol. Eadă'anna bengkoèpon patènggi ampon băḍă saḍijǎ'ăn katompa'an djhărăǎn ḍoe polo, băḍă sè ngangghoej lapa pakapa, băḍă se tjoma ngangghoej sabbrak salèmot. Tja-kantja ladjhoe njandhak sèttong èbăng. Kaoelǎ kalerressan ollè djharǎn radjǎ, bhăngonna bhǎghoes, boeloeèpon dărăgem. Băḍă kantja kasorang ghi' kènè', njamaèpon Ibnoe, ghi' ta' onèng nompa' djhărån sakalè, dhăddhi teko' sè nompa'a, mèlaèpon mambhoe ètolongè sareng patènggi; bit-abit èlang djhoeghăn tako'èpon. Sareng ampon ranta, ladjhoe adjhălăn ḍǎ' kabǎdhǎnan sambi atjatja ngalem kanjamanna hǎwă băkto ghǎpanèka. Towan ghoeroe ampon asaḍijǎ, tjoma ngantos kaoelă sareng tja-kantja. Sareng ngolatè kaoelǎ paḍă ḍăteng, towan ladjhoe nètè'è katètèanna, larès mangkat matotok padjhălănan. Ḍǎ'aḍǎ'na tjoma adjhălăn rè-lèrè bhisaos; sareng napa' è lorong sè lèbǎr sareng rata pas aklang-tjongklangan; sè nompa' magăgă paennengngèpon; ampon sasat pandjhoerit hoesar. È kangan katjèrra lorong bădă tjomarana, ètongngo' angèn
