ngennènga aghili ḍă ka kanal *), sè ongghing è pèngghir tèmorra songaj Tjisokan.
Pangalèna kanal djărèja malarat ongghoe; mon bădă ghoemo', sè mastè èlèbădhi, kodhoe ètebbă' aghăbăj tarowongan. Serrèna tanana è djăḍijă bănnja' ghoemo'na, dhaddhi ijă segghoet aghabaj tarowongan, kongsè bădă empa' kennengngan; landjhăngnga kakabbli 980 M.
Bărămma malaratta pangghăbăján djărèja, bă'na tanto tao nèmbhăng. Torkaḍhăng ghoemo'na băto malolo; molana sè nebba' aghǎbăj tarowongan kodhoe ngangghoej ḍennamit. Kalamon ella marè sè nebbă', pèngghirră tarowongan mastè èpalestèr, sopadjă alosa. Bădă polè ghoemo' sè tanana beḍḍhi; sabelloenna pèngghirră ètèmbo', beḍḍhina ghoedjoer bhai.
Sè malarat polè ijă arèja bilă lèbhădhǎ è songaj nè'kènè' sè amowara è songaj Tjisokan. E djădijă maste èpasangè talang bessè ngangghoej pèlar; landjhangnga talang bădă sè 10 M., lèbărra 21/, M.
