ngonna boengkol akanța bhoemè, tapè akènè'an, akanṭa ghǎmbhăr arèja.
Opama bhoemè rèja ngarongkonga, oso' boelăn 50.
Ba'na tanto ngartè, mon bilis, opamana, agărădjǎng è sèttong tembhoeng, mangka padjhălǎnna loros bhăi ta' loek-bhiloeghăn, ḍi-boeḍina napa' è kennengngan sè molaè adjhălăn. Bǎrijǎ kèja halla bhoemè rèja; mon bă'na adjhǎlǎn ḍări ḍinna' terros bhăi ḍă' tèmor, bit-abit tanto napa' è ḍinna' polè. Bărămpa abiddhă padjhălănan djarèja kèrana bǎ'na? Mara èkarèna'a, jǎ! Mon saarè tao adjhălăn 8 eddjhăm, sarta saeddjhămma ollè 3 pal (4½ K.M.) è ḍalem 8000 eddjham (333 arè) ella napa' è ḍinna' polè, sabab kolènglèngnga bhoemè rèja băḍă 27000 pal otabă 40000 K.M.
Kalamon opamana nompa' seppoer terrosan bhăi, ta' kaṭèk boe-amboeăn ngala’ areng băto băn ngènomè messin, tanto alekkasan polè. Padjhălănna seppoér 1 eddjhǎm
