Towan sapongghăbăna paḍă ngènep è kampong ghǎpanèka sabǎtara malem sareng ghoe-nèngghoe kabăḍă'ǎnna è ḍǎlem roma. Tapè, adoe ampon sasat bănnè bengkona orèng, sakèng ḍări talèbăt kotorra.
Bengko ghǎpanèka ngangghoej teppas mobheng, sareng bădă kamarra sèttong radjă, ètak-kotak èella'è bing-rambing otabǎ oen-dãoenan kerrèng sarta tada' lèntjak katèdoenganna. E nga'-tengnga'anna kamar băḍă beddhina satompo' èkolènglèngè bato, èngghi ghăpanèka tomangnga. Serrèna bengko ghăpanèka tada' tjanḍélana sakalè, dhǎḍdhi è dǎlem roma ropana tjelleng ngalèreng possa" sareng lèteng. E tabingnga băḍă karandjhångnga; băḍă polè rèng-orèngan èbhadhi ḍări kadjoe; sareng băḍă polè sè anè, èngghi panèka........ tjangkèlonganna orèng sè ampon kerrèng ḍoewa' tello mègghi'.
Orèng Papoewa panèka ghǎsèk ngampa' ka laèn dhisa; manabi băḍă è djhălăn, è tengnga alas, tapangghi sareng orèng, sè djhãoe bengkona, pas èbhighål, èkettok lè'èrra. Sèrana èbhakta palèman, èbhadhi rarengghånna bengkona. Pasèra sè bănnja' ollèna sèrana orèng, èngghi ghǎpanèka orèng pandjhoerit ongghoe. Sèra sè bhoeroe èkaollè èpangghăng ḍhimèn èpakerrèng, pas ètaro. Salaènna sè kasebbhoet ghella' ampon tadă' ponapana polè. Ghi' nèngalè dări lowar bhisaos orèng ampon onèng djha' bengkona orèng Papoewa panèka bă'-djhoebă'. Ata'na sareng tabingnga dări kolè'na kadjoe sareng kolarèna bhoengkana saghoe.
