Saamponna semma' ka pasèsèr, kapalla pas alabbhoe. Rèng-orèng kapal padă toron ka parao sakotji èntara ka dhǎră'.
,,Ah, ma bănnèan sakale băn è tana Djhăbă, tja na pèkkèr. È pasèsèr bännja' parao tjar-kantjèr, orèngnga ampon sasat abǎngkang.
Sareng ampon napa' ka tèngghăngan bhoeroe palasdhă ka ropana orèng Papoewa. Bhǎdhǎnna ghǎ'-soghă', tapè kolè'na bhǎtteng, sarta abăngkang, pèra' akantjotan, nganghoej kalong kolè'na kerrang, ngangghoej ghellang, kalap bhăoe sareng ngangghoej ghellang soko. Sabănnè èlongnga ètèng-antèngè."
Rèng-orèng sè padă ngèdingngaghi aghellă ăn. Ismail ladjhoe atanja: ,,Pya, èlong `epasangè tèng-antèng?"
"Engghi; karaboe èngghi ngangghoej, tapè ḍari kolè'na kerrang djhoeghan; băḍă djhoeghăn sè ngangghoej tèng-antèng.
Orèng Papoewa è pasèsèr ampon onèng da' bhăngsa Bălandhǎ, mèlana ta' tako' manabi bădă kapal ḍǎteng. Kaoelă ladjoe ngèrèng towan nompa' sakotji radjà èntara ka kennengngan sè djhăoe dări pasèsèr sarta abhǎkta sarḍăḍoe sapolo. Tana è kangan katjèrra songaj, sè èlèbădhi ghǎpanèka, ghi' alas radja. Tja'-rantja'na kadjoeăn padă nalaj è attasanna songaj, ètalarè bet-rabet padă ngarompaj ka songaj, lang-ngalangè djhălăn. Torkadhăng paraona ta' kèngèng adjhălăn amarghă kaalangan aèng ghăroedjhoe-
