23. Saghoe amboen.
Kakanna orèng è tana Djhaba sè lo-parloan iă areja nase băn djhaghoeng. Bărijă kèja è polo Bornijoe băn è Soemattra. E tana sè lanḍhoe abǎnnja'an tamennanna padi etèmbhăng băn èn- laènna. Dhinèng è tana, sè kadjăl, sè bănnja' ètamen djhǎghoeng.
E lo polo è tèmorra polo Bornijoe, akanta è polo Sélébes, sabana tjoma sakonè. E djhoeng tèmoran polè, sapertè è lo-polo Maloekoe băn Papoewa (Nieuw-Guinea), para taḍă'ă săbăna. È dissa rèng-orèng sè mèskèn tjoma ngakan saghoe amboen. Dhinèng asalla saghoe djărèja ḍări bhoengkana saghoe.
È lo-polo Maloekoe tjè' bannja'na bhoengkana saghoena; tèngghina ra-kèra 10 M. E bhoengghina pappana ḍăoenna bănnja' ḍoerina sèp-larsèp, mènangka panolakka băn-kèlăn, sè ngakana omboe'na. Radjana bhoengkana saghoe rèja ra-kèra 60 c.M., dhăddhi aradja'an băn bhoengkana njèjor, tapè ta' patè tèngghi.
Bhoengkana saghoe rèja tao tomboe para' è sanèjap kennengngan; maskè è tana paghoenongan sè tèngghina 600 kongsè 700 M. ijă tomboe; sè tjè dhăddhina kalamon enneng è tana bă-rabă, è tana pasèsèr, è lambhoengnga ghoenong sè bhettjer. Landjhăngnga pappana 5 kongsè
