ghi' alasan. Akadhi bhǎngsa kaoelă, bănnja' sè ampon èntaran ka Bhǎăndjhărmasèn, mèlaèpon bănnja' sè ampon dha-nèndha adhaddha bhăngsa laèn, opamaèpon bhăb angghoejja. Orèng Daja' sè ghi' ngangghoej adhǎd kona ta patè marloaghi ka pangangghoej, tjoma sabăḍăna bhisaos. Manabi èntar djhălăn ghăghămannepon tombhǎk, èngghi ghǎpanèka sè lo-parloan. Tombhak ghǎpanèka èangghoej alabăn mosona otabǎ mate'è bhoeroen alas sè ghalak; djhoeghan bangghoej matè'è kèbǎn sè ètèddhǎ'ǎ.
Dhănanganna tombhǎk ghǎpanèka èlobangè ngèras kèngèng èbhadhi tolop. Orèng Dajă panèka manabi nolop sakalangkong tètèssèpon. Kontjo'èpon paserra èpasangè ratjon sakalangkong mandhièpon, èbhadhi dări bhăngsaèpon boe-tomboeăn. Manabi orèng ètjapo' passer ghǎpanèka kantos loka, tanto matè. Sasongkèlannèpon lameng èkasongkèl è sabbhoe'èpon, sè èkabhadhi dări mandjhălin èangghi'. Tondingnga lamengnga kandhel tapè tadjhemmèpon ampon akadhi panjokor; dhananganna èpasangè boe-djămboe oboe'na orèng. Laèn sè kasebbhoet ghella' ghi' abhakta boengboeng baddhana laddhing ngèras pèna'an. Laddhing ghǎpanèka parlo manabi ngala'a mandjhălin è lăn-djhălăn. Băngkongnga èsabbhoe'i mabi kèper otabă djita ellor, sarta akantjotan. Manabi ta' ghadhoeăn kèper otabă djita èngghi
