95
terripang ngangghoej saèng è dhănangè perrèng otabă lodjoeng. Dhinèng mon aèngnga adăleman polè, opama kongsè 5 otabă 20 deppa, kodhoe ngangghoej saèng kènè ètalè è landjhăng; sopadjă saèngnga ghellema kellem, èpasangè tèma. Saèng djărèja ètjabhoer ka aèng pas èèrèt.
E sakolènglèngnga polo Karimoen Djawa bannèan polè pamèghǎ'na terripang, bărinna': è nalèkana angèn teddhoe, saellana tjompet arè, orèng njolo ka tasè' ngangghoej obhoer, sarta negghoe' tombhăk; mon nangalè terripang pas ètombhǎk. Băḍă polè pamègha'anna terripang, ijă arèja djharing; pakakas djărèja ètjabhoer ka tasè' kongsè kellem ka dhǎsarra, pas èèrèt.
Pangolana terripang rèja, sopadja kennengnga ètaro abit, ghămpang bhăi, bărinna':
ḍă-aḍă'na terripangnga èkella è pantji ra-kèra kongsè saeddjhăm abiddhă; taboe'na ladjhoe èḍhoedhit èboewǎng băi ḍǎlemma. Samarèna djărèja pas èbhersè'è ngangghoej aèng biddhǎng sè ghi' anga'; kolè' lowarra èkolèt. Mon ella tjè' bhersena èkella polè pas èdjhemmor èpatjè'kerrèngnga otabǎ èpangghăng èpatjè' ghăringnga.
