92
sè ngater, sèngko' ghi' ollè alènglèng polè pan-bărǎmpan eddjhǎm agghi' è ḍǎlem ghoewă, tapè sèngko' ella ta' perna, ango'an dhoeli maso' ka pettè, pas kalowar ḍări pangalèan. San ella napa' è attas sarta ella kalowar dări pettè, adoe sangkalambhi băn tjalana tjè' kotorra sarta băttja; dhǎddhi kalamon maso'a ka pangalèan ijă parlo ngangghoej sè tor-kotor bhai, akanța kalambhina koli è pangalèan. Sèngko' ghantjangan manḍi. Samarèna abherri' panarèma ḍă' orèng sè ngater sèngko' pas molè.
19. Terripang.
Terripang rèja bhǎngsana kèbǎn tasè'. Serrèna bhăngonna akanța tèmon, bi' bhängsa Bălandhǎ ènjamaè tèmon tasè' (zeekomkommer). Kolè'na to monto landjhǎng akanţa doeri.
Ropana bădă sè bǎk-abǎk potè, bădă sè mèra abăk konèng, bădă polè sè tjelleng. Lakona agărădjăng è dhăsarra tasè; dhinèng pakanna: bhoeloeng, ger-ager, tjekkomang băn èn-laènna kèban tasè' sè nè'-kènè'. Bhăngsana terripang rèja ana-bărna, băḍă sè tjè' bhaghoessa; bhăngonna băḍă sè akanța tèmon, bădă sè mèbis olar.
Terripang sè nomer sèttong, sè segghoet èkadhăghǎng, bădă sè tjè' radjana; landjhängnga kongsè 1 M., radjǎna 2 d.M.
