This page has been proofread.
90
talè dhǎddhi èkarasa patoronna pettè. Ta' antara abit pettè djǎrèja djhǎlbhegghăn napa ka băbă.
Orèng sè ngater ngadjhǎk kalowar sarta masènga' sèngko' èsoro ngastètè, sabab ghoewăna bănnja' sè mandhăp, sarta è băbă bădă rilla. Ḍări djhăoeăn bădă sowara ngaghǎroedoe'. Sènga njèsè!" otja'na orèng sè ngater. Sèngko' băn sangkantja ghantjangan njèsè ladjhoe njalpèpè' è pèngghirră ghoewă. Ta' antara saapa pas băḍă loeri adjhir-djhidjhir lèbăt ètadjhǎ' djhǎrăn èghibă ḍă' kennengnganna pettè ghellǎ'. E djǎdijă loerina èboewă' ka dalem pettè pas ètadjha' ḍă' attas. Bhǎreng èssèna ella ètotta è lowar, loerina èpatoron polè.
