18. Apasèjar è dǎlem tana.
(Sambhoengan).
A pa bă'na terro nèngghoeă bărǎmma akkalla orèng makalowar areng băto ḍări dǎlem pangalèan? Madjoe' noro' sèngko'!" Dă'bărijă otja'na sang-mo-sarmoan da' sèng- ko', sarta pas ngotja' polè: "Arowa, manara dădoewă sè katon ḍări dinna' arowa se èèntarana. È kontjo'na manara arowa bădă rodǎna doewǎ mègghi' djǎ-radjă. Sakeddjhă' agghi' mon ella para' ḍă ǎssa bă'na tanto nangalè talè radja sè adjhălăn è sakolènglèngnga roḍă.
Rodă djărèja èpadjhălăn kalabǎn messin, sè èator è dǎlem kamar messin. Talè ghellǎ' èangghoej nalè'è pettè dja-radja kennengnganna orèng sè alako è pangalèan mon torona ka ḍălem pangalèan, otabă mon ongghǎ'ă bilă marè alako."
Nalèka sèngko napa' è kennengngan djărèja kateppa'an băḍă koli pangalèan kalowar ḍări pettè, bhoeroe amboe ḍări pangghǎbajăn. Abiddhǎ sè alako è dǎlem pangalèan 8 eddjhăm. Satèja orèng sè laot bhoeroe èghăntè koli golongan sè nomer doewă'; dǎgghi' 8 eddjhăm agghi' èghantè golongan sè nomer
