85
rosak tabhenḍem è dǎlem bhoemè. Ka'-bhoengka'an băn boe-tomboeăn sè tabhendem djărèja apo'-tompo', torkadhang kongsè pan-bărămpan ratos M. tèngghina. Saellana pan-bărǎmpan bindhoe abiddha djoe-kadjoeǎn djǎrèja enneng è dǎlem bhoemè aobă sèpatta, ahèrra dhǎddhi areng băto.
Anangèng bărǎmma orèng sè taoa patana kennengnganna areng băto è dǎlem tana? Parkara djărèja ghămpang bhǎi, ijă arèja tanana èebboér. Bărijă kèrana otja'na bǎ'na. Ijă bhender. Anangèng pangghäbäjän ngebboér tana rèja ta' ghampang tjara ngebboér kadjoe. Tjatjak ra pèkkèr, dǎlemma kennengnganna areng bato rèja torkadhǎng lebbi dări 500 M.; dhinèng mon tanana, sè èebboér djǎrèja ghali, ongkossa tanto radjă. Kalamon ella ètemmo kennengnganna areng bato djărèja, sarta ella kamosțèan bannja'na, orèng ladjhoe molaè ngalè tana. Momolanna orèng aghăbăj somor djhălănna orèng maso ka ḍălem pangalèan. Ngalè somor, sè lèbărră 1/2 otabă 2 M. sarta dǎlemma 400 kongsè 500 M. tor nebbǎ' tana to-bato, tanto bă'na ngartè, bărămpa ongkossa pangghăbăjăn djǎrèja. Apa polè bilă tanana njombher, tanto sakeddjhǎ' bhăi somorra possa' băn aèng, dhăddhi nambǎi malaratta lalakon, sabab pèngghirră somor djärèja mastè èlapèsè ngangghoej kaloboengan bessè èbhoeng-sambhoeng sarana èpattrè'è; dhăddhi bhăngonna somor djărèja akanţa saropong bessè sè tjè' radjana. Bilǎ somor djărèja ella dalem napa' ka kennengnganna areng băto, orèng ladjhoe aghoerăng aghăbăj ghoewǎ. Dhinèng ghoewå djărèja ètondjhăng sè koko, sopadjǎ tanana ta' ghoedjoeră. Serrèna ghoewă djărèja radjǎ sarta landjhăng, baloe' sè èkaghabaj tondjhăng djărèja tanto tjè' bănnja'na. Salaènna djărèja kodhoe èdjăgă, sopadjǎ
