83
Kapala dhisa djarèja ladjhoe akoto', djhă' ella semma' bi' kennengnganna ghadjha. Tao-tao sèngko' ngèding sowara tjè' tagherră. Sèngko' băn kantja, sè ghi' ta' tao noro' abhoeroe ghǎdjhǎ sarta ghi' ta' tao nemmonè ghădjhǎ è alas, tje' takerdjhăddhǎ ngèding sowara bhoeroe. Sangpangandjoer sè katara taḍa' keddi'na sakalè, abherri' tandha ngadjhǎk madjhoe polè. Sakeddjha'agghi' ghadjhǎna katon mang-ramang ḍări djhãoeăn, ètangalè dări antarana oen-dǎoenan ropana ghi' senneng, ta' ngataoè djhǎ' èsèn- dhemè. Bannja'na ghadjhana ra-kèra bădă 12.
Bhareng ella seddheng semma'na, sèngko' kakabbhi paḍă ngèleng beddhil, pas ... dhăr! Monjèna tèngghăr djheddhărăn. Sanalèka djărèja ghadjhana paḍă abhintal, ladjhoe paḍă abheddhal abhalessatan, rak-nerrak kadjoeăn băn bhoet-ombhoet salèng karoksak, sarta ngaghărdjhem tjè' tagherră. Bhareng sèngko' sakantja kalowar ḍări panjènḍheman, tao rosak ka kennengngan, sè èrak-terrak bǎn ghǎdjha, sè paḍă boeroe; nangèng taḍă' sè amonjè, sè ngataraè djha' baḍă sè èkennèng tjapo' mèmès; maskè bărijă, palangnga sèttong tanto băḍă sè ètjapo'. Tja-kantja pas terros adjhălăn polè so'-njalosso è bhoet- ombhoet noro' lolossa ghădjha sè loka. Ta' kongsè 30 langka sè padă adjhălăn, monjèna tèngghăr djhèddharan polè, ladjhoe bădă sowara dhilbhăsăn è tana, ijă djǎrèja sowarana ghǎdjhǎ sè ètjapo' mèmès, robbhoe è tana pas matè. Sèngko' kakabbhi paḍă bhoenga, mangkarak rassana atè ollè ngèbă ghaddhingnga ghadjha, sè dhăddhi tandha mennang sè aperrang băn ghădjhǎ.
