16. Abhoeroe ghǎdjhă.
Polo Soemattra rèja kennengngan- na è bărǎ'-dǎdjǎna polo Djhăbă. Tanana è pasèsèr tèmor tana rabă malolo tjè' lèbǎrră, nangèng pasèsèr bărǎ'na tanana tèngghi bănnja' nong-ghoenongnga. E pèngghir tèmor tana lembă djǎrèja bǎnnja' kèbǎnna sè ghǎlǎk, akanța: bhǎdjă, ghǎdjhǎ, matjan, tapir băn bărǎk. Mandjhăngan ban motak ijă ta' korang.
Apa polè è kennengngan sè sakonè' orèngnga. Djărèja marghǎna bănnja' para tokang abhabhoeroe ghijăr abhoeroe matjan otabă ghǎdjhǎ è dissa.
Satèja sèngko' njarèta'aghiă bhab abhoeroe ghǎdjhǎ è olona tana Palèmbhăng.
E settongnga arè sèngko' noro' sang-mo-sarmoan abhoeroe ghǎdjhǎ ka Palèmbhăng. Sanapa'na è dissa sèngko' băn sang-kantja djǎrèja pas nompa' kapal apoj kènè' èntara ka olo noro' songaj Moesi. Tana è kangan katjèrra songaj djǎrèja rabă malolo. E salandjhăngna paladjărăn sèngko' nangalè sampan paḍǎ tjar-kantjèr. Parao djărèja nè'-kènè' tapè landjhăng, èkaghăbăj ḍări bhoengkana kadjoeăn elobǎngè akanța rondjhǎngan; èbă sabărijă orèng Palèmbhăng tjè' taona sè madjhălăn. Nalèka kapal apoj, sè ètompa' djǎrèja, Tapir.
