Kalamon orèng alènglèng è sa-dhisa tanto ta' nemmo masèghit sèttonga, nangèng sè bănnja' dhi-tjandhi, èrengghă băn kèr-okèran tjè' bhaghoessa, njamana ,,poera". Ropana ènga tjandhi Bhoeddha è djhǎman kona, sè kongsè satèja ghi' băḍă è tana Djhăbă, akanța tjandhi Boroboedoer, Mendoét băn èn-laenna.
Salaènna djărèja è tong-sèttongnga pamengkang mongghing è boedina bengko băḍă rangghoenna nè'-kènè', njamana ,,sanggah", ijă djǎrèja kennengnganna masang sasadjhin kaator ḍă' Dhibana. Dhǎddhi njata aghǎmana orèng Bhăli rèja bănnè aghǎma Islam, tapè aghăma Bhoeddha, akanta aghamana orèng Djhăbă sabelloeănna orèng Arab ngadjhǎrrăghi aghǎma Islam è tana Djhǎbǎ.
Poera,anggah băn bengkona orèng Bhăli sè bhăngsa aghoeng èbbha’ băn rareng ghăn kèr-okèran. Adjib ongghoe kalongètanna orèng Bhali ngokèr kadjoe. Artja Kennengngan Dhiba loron ka bhoemě gharoedha sè ghoes-bhaghoes, (mèroe) băn artja bădjang ḍări kadjoe, sè los-alos, nandhǎ'aghi alossa tanangnga orèng Bhali bhăb ngokèr.
Manot parèntana aghamana, majjiddha orèng Bhali rèja mastè èobbhăr, tjara Bhalina ,,ngabèn". Nangèng serrèna ngobbhar majjid rèja radja bäräghǎddha, dhăddhi kodhoe è antara'aghi kongsè pan-bărămpan boelăn, torkadhang
