Antara pan-bărǎmpan arè abiddhă Achmad molè. Tapè sèngko' tjè' takerdjhǎddhǎ nangalè mowana.
Eppa'na negghoe'i lengngenna; ana'na ètonton adjhǎlǎn on-laonan. Sèngko' ladjhoe njemma'è; nalèka sèngko' ngabǎs mowana, bhoeroe tao djhă' matana meddhem bhăi. Aḍoe, nèserra, Achmad boeta, Soep.
Sèngko' ta' tao sè ngotja'a ḍǎ' Achmad, molana pas ladjhoe molè. O, kalèr ongghoe! Achmad ta' tao èn- maènan polè bi' tja-kantjana. Saabiddhǎ tjoma neng-enneng è bengkona bhăi, otabǎ djoe'-todjoe' è băbăna bhoengkana kadjoeăn è aḍă'ănna bengkona. Kalamon sèngko' băn tja-kantja rak-orakan, paḍǎ anga-bhoenga, Achmad ladjhoe aonga', tapè ta' nangalè.
Sèngko' segghoet adhina'aghi sang-reng-bhǎrengngan, ngèntarè Achmad, pas todjoe' è seddhi'ǎnna. Anangèng tjoma atjatja bhai, ta' ngennèng èn-maènan, sabǎb Achmad ta' nangalè.
O, palang ongghoe oḍi'na Achmad djǎrèja......................
Ngartè bă'na satèja, tjong, marghana sèngko' ngaranè, djha làng-tjelengan rèja njalaka'è!"
