68
"Ponapa kaoelá kèngèng tor-matora, towan ?" otja'na Saha.
"Ijǎ; mara apa sè ètanja'aghia ?"
"Ponapa bannja' asèlla ettè è tana Djhabă panèka?"
"Taksèranna bă'na bărǎmpa?"
Saha băn Achmad mèkker pas ngotja: Manabi bida 1000 K.G.P"
Towan Administratír aghella'an pas ngotja': "Bă'na taoa, nalèka taon 1910 ettè sè èboewă' è Tandjoeng-Prijoe' băḍă 463000 pettè. Mara karèna, bărămpa K.G. djărèja?"
"Adoe!" otja'na na'-kana' kadoewǎ djǎrèja.
Towan Administratír pas adjhălăn terros, dhinèng sè kaempa padă molè.
Saha ta' tja'-ngotja' sakalè. Eppa'na atanja:
"Apa sè èpèkkèr, Ha?"
"Ano pa', è seddhi'anna Bandoeng ka'issa badă djhoeghan kebbhoen ettè, nangèng aponapa kaoelǎ ma' ta' onèng èntar nèngghoe. Tanto tja-kantja ka'issa ghi' taḍă' sè onènga nèngghoe pabbrik ettè."
"Ijă ongghoeǎn tjong; èmanna ja? Lakar bănnja' orèng sè ta' tao, djha' bănnja' hal sè parlo èkataoè sè nambǎi kapènterran. Nangèng bă'na satèja tanto bhoenga, sabǎb ella tao djhălănna pabbrik ettè."
Saha băn Achmad padjhat tjè' bhoengana, karana bǎnnja' tambǎna pangataoanna.
