talè landjhangnga 11, M. Kontjo'na sè saladja ètalèaghi ḍă' patto' bhoeroe; kontjo'na sè saladjăna ètalèaghi ka bilă. Talè djarèja pas èpalènglèng, dhăddhi boenterran akanta roḍă.
Samarèna djărèja ladjhoe aghabaj palengkongan C. D. băn E.F kalabăn gharis M.C.; dhăddhi ḍări lorong ka bengkona Saha băḍă lorongnga kènè' è sakolènglèngnga bhoen-kebbhoenan ghella'. Dhinèng è ḍălemanna boenterran èṭak-koṭak dhăddhi 6 koṭak masaghi tello'; è tong-sèttongnga koṭak ètaboeri bighina bhăng-kembhăngan ana-bărna. E pèngghirră boenterran ètamenè rebbhă mènangka teppèna.
Pangghăbḍăjăn djărèja ta' ghampang mongghoe ka Saha, tapè sakeng tarongghoena dhăddhi kèja. Sanèjap orèng lèboer ngabăssaghi kebbhoenna Saha. Ghă-tatangghăna paḍă èntar nèngghoe.
Saha adjhandjhi ḍă' mama'na aghăbăjă bhoen-kebbhoenAn polè tjara djărèja, èlakonana mon ella notop sakola'an è boelan Pasa. Djarèja sabăbbhă mama'na atanja: apa ta' ènga' sè aghabhaja bhoen-kebbhoenan."
,,Nangèng, Ha, parkara djărèja djha' dhoeli lakonè ghălloe," saotta mama'na.
,,Ponopa sabăbbha, ma'?"
,,Lagghoena sèngko' èntara ka Garoet."
,,Entara ka Garoet? Ponapa kaoelă kèngèng ngèrènga?"
,,Ija," tja'na mama'na: ,,Emboe'na băn Kamidja ijă noro'a kèja."
Saha ghi' ta' ongghoe ngartè djhălănna orèng alolongan, sabăb saabhiddha ghi' ta' tao alolongan ban ghi' ta' tao nompa' seppoér, ghi' bhoeroe satèja bhăkal taoa rassana nompa' seppoér.
Nalèka mama'na maso' ka roma, Saha berka' ka lorong sambi ra'-èra'an ḍă' tja-kantjana, sè parappa'na èn-maènan è djǎdijă:
