,,Amina, Amina! Abǎssaghi arowa; è ḍissa băḍă parao ngangghoej ladjar, ropana èntara ḍă' ǎnna'!"
Amina atolè, ngabăs ka patana sè èdhoedding kaka'na; ongghoeǎn ongghoeăn; Amina nangalè parao njemma'è kennengnganna. Sè kaḍoewa atjerrèng polè: Tolong! Tolong!" Arbidín abǎ'-èba'anbḍăn kalambhina.
Djhoekong mantjèng djarèja so'è abit so'è para'. Kateppa'an ongghoe padatengnga parao djărèja, sabab sampanna Arbidín ella para' possa'a băn aèng, lagghis karemma.
Nalèka djhoekong napa', sè kaḍoewă nangalè mama'na, arassa odi', ladjhoe aèra': ,,Mama'! mama'! Aḍoe ma', tolong ma' tolong !"
Orèng sè neng è djhoekong ghăntjangan ngontallaghi talè ka Arbidín. Kana' djarèja njandhak talè kalabăn parèkas, pas ètadjha'; bhăreng ella semma', sè kaḍoewă èangkès ka djhoekoengnga.
Mama'na tjè' bhoengana, amargha ana'na katolongan, nangèng ta' èpakatara, ta-kanța seḍḍhi ḍă' ana'na.
Djhoekong ladjhoe abăli, molèa.
Rèng-orèng dhisa sè pada mandjheng è pèngghir sèrèng, bhareng tao Arbidín băn Amina èghindhoeng ka dhără' pas asorak: ,,Salamet! Salamet! Alchamdoeli'llah."
Kana' kaḍoewǎ djarèja èghibă molè ka bengkona, èombhang băn orèng towana, amarghă korang tè-ngatèna.
Molaè nalèka djărèja Arbidín ta' băngal apan-sampanan polè; dhinèng alè'na djherra, saabiddhă ta' băngal nompa' parao.
