,,E, ka', maḍḍha pandheng, ghărowa masè parao! Amè' ghărowa paraona, tapè masè băḍă orèngnga," otja'na orèng sè sèttong polè.
,,Engghi, èngghi, ongghoeăn, gharowa orèngnga bă'kobă'ăn.”
Orèng kaḍoewă djărèja ta' tao, sapa sè ngèba paraona ka tasè. Parao djărèjă sakeddjha' katon èandjoel ombă', sakeddjhă' èlang, akanța sè tasèllem. Orèng bhoeroe sè sèttong ngotja' polè: ,,Aḍoe, baramma orèng gharowa, ka', mon paraona possa'a băn aèng, ta' boeroeng tjalaka"."
Marèna bărămma akkalla orèng kaḍoewǎ djărèja? Njarèja partolongan? Kamma? ,,Maddha èntar ka tokang mantjèng," otja'na sè kaḍoewa, ladjhoe berka' ka dhisa sè semma'. Bhăreng ella abak djhăoe sè adjhălăn pas nangalè orèng bănnja kalowar ḍări dhisa, ropana masè ngèntarana abă'na.
Sapa'an orèng bănnja djărèja?
Tja-kantjana Arbidín băn Amina, sè paḍă èn-maènan è tasè' kasebbhoet è aḍă' ghella', bhăreng nangalè ondemma lengkep, angènna bhărḍăt, ladjhoe paḍă molè, nangèng Arbidín băn alè'na ta' abhăreng, molana emboe'na pas atanja, kemma ana'na. Sè ètanjaè njaot ta' tao, tjoma tao nerrangngaghi patana padjhălănna.
Orèng towana kana kaḍoewa djarèja ta' njaman pèkkèrra ladjhoe abherri' tao ḍă' gha-tatangghăna. Orèng bannja djărèja ladjhoe paḍă kalowar njarèa kana' kaḍoewa bhoeroe. Neng è djhalan nangalè orèng kaḍoewa sè kasèbbhoet ghella' pas èèntarè.
Bhăreng paḍă tatemmo orèng kaḍoewă adhoedhing ka tasè' patana kennengnganna sampan, sè sakeddjhǎ' katon sakeddjha' èlang. Rèng-orèng sè baḍă è djăḍija ta' kobatèr polè, djha' sè nompa' sampan djărèja Arbidín băn Amina.
Kana' kaḍoewa djărèja mastè ètolongè, tapè bărǎmma sè nolongana serrèna omba'na radjă bărijă?
