atambă pèrak. Paraona so'è ka tengnga, so'è lanjo, ombă'na atambǎ radjă.
Arbidín băn alè'na aghellă'ăn, paḍă bhoenga. Tapè sanalèka djarèja băḍă omba' mokol ka sampan kongsè mèrèng. Amina atarat ngadjhăk abăli.
,,La, la, ghella' tja'na banga'an, satèja ma' tako'. Lă, sèngko' ta' tako' lè'; madjoe' terros bhăi," saotta kaka'na.
Arbidín aḍhǎdjoeng polè, paraona so'è ka tengnga; ghoelina so è bhănget, băng ghălimbangan, djoelandjoelan èpokol omba dări èrèng băn ḍări aḍă'. Amina arèng tjerrèngan ladjhoe nangès, nangèng Arbidín njaman bhăi sè aḍhădjoeng, sakodhi' taḍă' kettèrra.
Bit-abit Arbidin ella toboek sè pan-sampannan, apa polè ella djhăoe ḍări pèngghir. Sampanna èpakapèngghira saddjhăna pas molèa. Sè aḍhădjoeng ngallè ka saladjana Tapè Arbidín tjè' mengnga'na băn kobatèrra, amargha paraona ta' enḍă' mèngghir, la-mala so'è ka tengnga. Amina ijă tao ḍă' bhalai sè datengnga; sakèng tako'na pas atarat sakellarra: ,,Tolong, tolong, tolong." Ebăsabǎrija taḍă' orèng sè ngèding pataratta. Bit-abit lesso sè rèng-tjerrèngan, pas alèrpek è sampan sambi nangès tjè' sossana.
Bărămma Arbidín?
Kana' băngalan djarèja taḍă' amboena sè adhadjoeng, ngettok kakowatanna, tapè partjoma. Sampanna èandjoel omba' băn èghibă aros ka tengnga. Bit-abit Arbidín geddhoer ora'na, abă'na lèmpo, pas neng-enneng sambi nampa tjangkèm, atèna tal-takettal, aèng matana adhăribisan. Sè kadoewǎ èlang akkalla, ladjhoe paḍă nangès; paraona terros bhǎi ka tengnga.
Ta' abit băḍă omba' radjă dateng ngantor sampan; aèngnga ngontja' ḍă' attas, naboej ka kana kaḍoewă djărèja taker kopo, sampanna kamaso'an aèng.
