ellong; apa polè bhăreng ellongnga èpalèng-lèng akanţa rodă, tjè' bhaghoessa. Ellong djărèja pas èontallaghi è kennengnganna na'-kana', sè paḍă akompol èn-maènan ta' patè djhǎoe dări kennengnganna Wario. E djǎdijă ellong radja bhoeroe amonje djheḍḍhoelan pas èsorak băn na'-kana' bănnja', sè pas pada asalebbhoedhăn, amarghă tako ka apojja ellong ghella'. Wario băn tja-kantjana paḍă tjè' bhoengana.
Djoesoep nèngghoe dări djhăoena. Tja-kantjana djărăja kakabbhi padă negghoe' lèng-tjèlèngan; tjoma aba'na dhibi' sè endja.
Eppa'na tjo-mattjo, ana'na ta' èbaghi njolet lèng-tjèlèngan; apara bhalakkanna ta' èbăghi.
Arapa ra ma' èlarang?
Eppa'na abălă, djhă' lèng-tjèlèngan rèja njalaka'è. Djoesoep apèkkèr: ,,Njalaka'è?! Tèngghoe ra, Wario malènglèng polè ellong radjă; adoe tjè' bhaghoessa, apojja dhăddhi boenterran otaba cirkel, bhoer-njembhoer akanţa olar. Sèngko' bangal kèja barija." Na-kana padă nga- lènglèngè Wario, tjoma aba'na dhibi' sè ta' ollè ma'-semma. Na'-kana' sè bannja djärèja tanto ngèra, djha' aba'na tako' ka lèng-tjèlèngan, mangka saongghoena ta' barija. Djoesoep apèkkèr: ,,Sengko' ango' molèa bhai, ka; sabab mon tja-kantja arowa atanja, arapa sèngko' ma' ta' andi lèng-tjèlèngan, tanto sèngko njambhidhi, djhă' eppa' masènga', sèngko' ta' èbăghi njolet lèng-tjèlèngan. Sèngko' ta' soka' abălă bărijă."
Bhăreng na'-kana' bhoeroe nangalè Djoesoep, ladjhoe paḍă aèra: ,,Djoesoep, Djoesoep!"
Nangèng Djoesoep ta ngèdingngaghi, ladjhoe ghăn tjangan molè. "Pa'," otja'na Djoesoep nalèka napa èbengkona: "aponapa kaoelǎ ma' ta' èparèngngaghi njolet lèng-tjèlèngan; sadhadjana na'-kana' padă ollè njolet,
