7. Katolongan.
sèttong pasèsèr bădă dhisana kènè' anjama Batopotè; bengkona tjoma badă doe polo koren, tor ella pada rèjot kakabbhi, la-mala bada sè ata' langngè'. Orèngnga pada kèn-mèskèn, pangorèpanna tjoma dhaddhi tokang mantjèng, ta' ngennèng njambi atanè, sabab tanana è djadija tana sarassa', talèbat kadjalla, ta' kenneng èperghi'i. Kalamon ta' èntar mantjèng, bada kèja orèng sè dja-ngadja maksa namen djhaghoeng ban sabbhrang (tenggang); dhinèng sè arabădhi, mon lalakè'anna èntar mantjèng, ana' binèna; maskè orèngnga tjè' omessa, tapè asèlla ta' nèmbhängè băn malaratta sè alako, torkadhang ta' metto sakalè. Kalamon noddjhoenè omba'na radja pada adjhälän rèng- èrèngan, sowarana salèng padjhägghoer mokol ka pasèsèr, apa polè angènna bharat sowarana ngaroso nako'è, tada' orèng sè bangal èntar mantjèng, dhäddhi kapaksa ngang- ghoer bhai; mangka kalamon ta' andi' djhoeko' ijä ta' ollè pèssè, tada sè èkabellia bherras, kapaksa ngakan sabadana sè kennèng èkakan, sapertè: alor, bhoeloeng, kerrang, tèrem ban èn-laènna. Anangèng na'-kana' ta' mèkkèrè sossana bän kamala- ratanna orèng towana. Taona tjoma senneng, apa polè
