9
roko' kalobhoet, maèlang lessona. Dhinèng Boe'na Asík atennon è palèmpèrra. Ana'na èn-maènan è tanèjan. Senneng ongghoe aḍi'na Pa'na Asík saana' binèna.
È sèttongnga arè Pa'na Asík djoe'-todjoe' sambi ngarèna pèssèna sarta kèr-pèkkèran. Bhǎreng ella teppa' karena'anna, è laèn arena èntar djhalan, pamolèna abiddhi' kerbhoej ollèna mellè. Pèssè sè èkabelli djarèja ijä ollèna njèlèngè ghän sakonè'. Emboe'na Asík tao lakèna dateng aghiring kerbhoej pas èèntarè. Sè kadoewǎ tjè' pèrakka. Asík alebbiǎn polè; kerbhoejja èparatènè, èlos-ellos, èsot-kosot; sabbhǎn arè èpandi'i; pakanna ta' kakorangan. Kerbhoejja ija ngartè mon èparatènè, molana pas tjè' nototta; maskè ètompa', ètègghoe'i tandoe'na, ètadjha' boento'na, neng-enneng bhai; Asík bán kerbhoejja ella sasat akantja.
Sabbhǎn lagghoe Asík èntar ka sabǎ nompa' kerbhoejjǎ lèbǎt è baroeng sè kasebbhoet ghella'. Paennengnga sè nompa' magăgă', tanangnga njekket bingkèng sambi ngèdjhoeng; sowarana tennè, njaman èèdingngaghi. Orèng binè, sè andi' baroeng, mèsem ngabassaghi Asík sarta tjè' leboerrǎ ka kana' djarèja. Torkadhang Pa'na Asík amboe lè-mellè è baroeng djärèja, ladjhoe matotok padjhalanna ka saba asaka'a.
Panda' ella tjè' sennengnga pangorèpanna Pa'na Asík djarèja saana' binèna kalaban podjhoerrǎ.
Kaotja'a è sèttongnga arè orèng, sè anḍi' baroeng ghella', ghetton nangalè Asík èntar ka saba tjoma wa'-doewǎ'an bǎn kerbhoejjǎ, eppa'na ta' noro'; abasanna sossa, ta' bhoengkak akanța sabbhanna, molana pas atanja barinna':
"Mama'na apa sakè', Sík, ma' ta' abhǎreng?"
"Enten; eppa' ghi' badă è boedi; sakeddjha' agghi' datengnga," sambhiddha sè ètanjaè sambi adjhalan.
