133
akanta olar ladjhing, matjan bǎn bǎrak; molana podjhina eppa'na Mèmen mandhar ta' tatemmoa ban bhoeroen alas sè ghalak. Serrèna kèban ghalak rèja akanța: bhantèng, matjan, bǎrǎk otabă laènna kennengnganna è alas radja, sè ghi' ta' èsabbha orèng, dhaddhi orèng kaḍoewă ghellǎ ta' kobatèr sè tagheppoka. Padjhälänna Mèmen ban eppa'na la napa' è kennengngan sè abak paddhăng.
"La, satèja la para' kalowara ḍǎri alas, Men," tja'na Mantrè ghoeroe ḍǎ' ana'na.
"Ponapa polè kasa'na ènggharowa, pa'?" Barija patanjana Mèmen, sabab ngèding sowara sè ghi' mo-njamo.
"Arowa sowarana omba'; satèja la semma' bǎn tasè'; sakeddjha' agghi' napa' è dissa; ba'na bhǎkal taoa bhidhana pase- sèr lao' bǎn dǎdja."
Ta' antara abit sè kadoewa kalowar ḍǎri alas, pas nangalè tasè'. Sakalèrapan orèng kadoewă paḍǎ meddhem amargha solap èkennèng sonarra arè, margha bhoeroe kalowar ḍǎri alas petteng.
"O, kèsèkka è ka'ḍinto ma' bannèan sareng kèsèk è tasè' dadja, ta' èngghi pa'? Beddhièpon potè sarengngan bannja' ghoenongnga sè dhoerdj het; è Tandjoeng-Prijoe' kaoela onèng, è kangan katjèrra palabbhoean tjellot bhisaos sè ètèngalè."
