127
kotta Bogor. Towan Bessar mèjarsa kabhǎr, mon bădă kana' Djhaba pènter aghambhar, ladjhoe èdhika'aghi njabis.
Serrèna Radhin Salè alos pangghalianna, andhap asor, sarta pènter ngala' pangghalianna orèng aghoeng, dhäddhi ban Towan Bessar ètarèsnaè, sarta èdhika'aghi nerrossaghi sè adjhar aghambhar; tapè otamana, dhaboena Towan Bessar, kodhoe adjhǎr ka Erropa. Bhǎreng Radhin Salè mèjarsa dhaboena Towan Bessar djarèja talèbat bhoengana, ladjhoe njo'on èdhi ḍǎ' rama èbhoena. Saellana kalèllan, pas mangkat ka naghara Balandhä nalèka taon 1829.
Serrèna nalèka djärèja ghi' tada' orèng Djhaba, sè pènter aghambhar akanța Radhin Salè, bit kasokanna Sampèjan Dhalem Sri Maha Radjha, Radhin Salè èdhika'aghi passra'aghi da tokang ghambhar sè la mashoér kapènter- ranna, èdhika'aghi adjhari sè samporna. Radhin Salè padjhat tadjhem pangghǎliǎnna sarta alos astana, molana lekkas pènter.
Pa'-sapa'a nèngghoe asta'anna ghambhar Radhin Salè tanto hèran; apa polè mon nèngghoe ghambhǎrrǎ alas katonon è tana Djhaba. E ghambhar djarèja njata baramma tèngkana bhoeroen alas, sè pada boeroe amargha tako' ka apoj kongsè napa' è pèngghirrǎ tjora; ropana pada pakèboe, kemma ango', matèa kaobbhǎr apa matèa lessa.
Laèn dari djǎrèja bada polè ghambhärra ban-kèban è tana Indija, sè anjata'aghi kalongètanna Radhin Salè. Sè lebbi bhaghoes polè sèttong ghambhar è babă bădă tolèsanna matè otaba odi', ija djarèja ghambharra matjan dadoewa' abhoewang kalaban kerbhoej.
Kalongghoeanna Radhin Salè nalèka neng è tana Erropa ta' tjoma neng è naghară Bălandhǎ bhai, tapè ija ngombhǎrǎ ngolatè èn-laèn naghară. Sè alongghoe è tana Erropa kongsè 20 taon abiddha. Ahèrra kasokan ghoebhǎra ka tana asalla.
