123
băn emboe' bhănget sokkorra ka Ghoestè Alla, amargha segghoet narèma kabhar bettje' dari alè. Pangghabajanna madjhoe, amarghä dari bhădjengnga sarta djhoedjhoer atèna. Lorana pada tarèsna sarta ngalem da' Said. Ghadjhina la radja; apa polè sakèng bikenna bit-abit anḍi' sèmpennan pèssè bănnja'.
Nalèka Said la noro' patona orèng tao njèwa bengko radja sarta bhaghoes; pakakassa ija ghoes-bhaghoes sarta ressèk, lin-bellinna dhibi', ta' kalaban aotang, molana senneng odi'na saana' binè. Tapè Said pas kennèng pang- ghoedha. Bada kantjana sè tjè' rojalla. Djha sakènga ta' apakèt ban orèng djarèja, amè' ta' kongsè nemmo tjalaka' tjara sè èkabhärraghi bhoeroe. Said segghoet èondjhang ka bengkona pakètta djarèja sarta èangka'è mènoman djennèwer otabă bărandi.
Ghi' momolanna Said ta' patè dhoedjan, sabab ta' njaman rassana, tapè ta' bangal abala amargha sèkko, sarta tako' èla'-ghella'. Bit-abit sakèng segghoeddha èangka'è pas tao arassa'aghi njaman, sarta pas molaè mellè dhibi'. Sabbhan arè, sadatengnga dari pangghabajan, todjoe' è korsè ngada'i karap aèssè djennèwer è mèdja. Binèna maènga' kalaban sè ngasè, sopadja ngamboeana sè mabijása mènom djärèja, sabab tada' ghoenana, la-mala marosak bhadhăn bán pèkkèran, tor matarapas ka pèssè. Anḍi' pèssè nè'-sakonè' ango'an èsèmpen otaba èkabelli bharäng sè aghoena. Anangèng Said ta' ngèdingngaghi otja'na binèna, la-mala sadjan nèngko. Pèssè sèmpennanna è kala' ghan sakonè', tjoma parlo èkabelli mènoman, bit-abit bhanas. Sataḍa'na pèssè sèmpennanna, angghoejjä èpaghadhi otaba èdjhoewal ghan sèttong. Pangghăbăjănna talèdoer, segghoet sala băn ghăsèk loppa. Lorana past aoba pangangg hebbhă; ghi bilanna tarèsna, kala djarèja tjè' badjhi'na amargha djhoeba'na pangghăbajanna, la-mala
