99
rèng-èrèngan, kapo'na ngapotè tjè' assrèna. Bhäreng kalowar ḍări kamar djarèja pas terros adjhalan alèbadhi kamar makan ghella', ladjhoe napa' è kamar pamandian; è djădija bădă sèttong băḍḍhăna aèng radjă possa' ban aèng tasè'; kana kaḍoewă djărèja arassaè, bhoeroe tao djha' talèbăt assènna taker semmo paè'. Orèng kaempa' djărèja èntar ka dèk polè alèbadhi kamar kènè' sèttong, è attasanna labangnga bada tolèsanna amonje kaarten kamer," Madhoerana: kamar panjèmpennanna bhar-ghambhăr. È djadija kennengnganna bhär-ghambhärrä tasè'; ladjhoe alèbadhi kamarra kaptèn. Tapè kaptènna kapal rèja ta' perna neng è kamarra, sèjang malem kodhoe neng è padjagă'ănna, neng è lotèng attas. Soekoer ngotja' ka tamojja: "Dagghi' torè ètodhoeana lotèng padjaga'ănna kaptèn. Kaptènna kapal panèka kodhoe abas sareng ngastètè, sopadja teppa'a padjhalanna kapal, ta' kantosa kalèro; manabi ta' ngastètè, kèngèng djhoeghan kapalla taghadhoek è kapal sè kellem otaba è karang; manabi sapanèka'a, tanto kalèr.
Pa'na Salè ban ana'na noro' boentè' Soekoer ka attas dèk; è djádija bada andha djhälänna onggha ka lotèng padjaga'änna kaptèn. Soekoer ban tamojja ijà ongghă sakandja. Apa badana è attas kapal ban tasè' tjè' palasdhana ètangalè dari djadija. Samarèna ghoe-nèngghoe băḍăna è kennengngan djarèja, sè kaempa pas toron. Abiddha sè pada ghoe-nèngghoe è dalem kapal tjoma sadjhăm, tapè la bälättra. Pa'na Salè ban na'-ana'na bhănget panarèmana da' tan-tarètananna, pas asalaman amèt molèa, ladjhoe kalowar dari kapal.
Nalèka oreng katello bhoeroe neng è dalem seppoér, eppa'na ngotja: "Alolongan è djhaman satèjanna tjè' ghampangnga, sabab ta' rang-korang katompa'an, sè èpadjhălăn băn messín; kennengngan sè djhãoe sasat dhăddhi
