akanţa: ṭè-peṭṭe, tong-tong ban èn-laènna bhărăng. E seddhi'ănna lobăng bhoeroe baḍă sèngghoeddha; è kontjo'na băḍă takalla ngangghoej rantaj bessè; è kontjo'na rantaj băḍă è'-kaè'na radja. Răng-bhărăng, sè èpakalowara ḍări kapal, èkaè' ghalloe, pas ètadjha' ngangghoej takal ghella', sè èpadjhălăn bi' messin. Sanapa'na è attas bharangnga èsotok kaḍi lowaranna kapal, ladjhoe èpatoron napa’ è parao, sẽ rapet băn kapal. Sowarana oràng sè alako, ngaratappa rantaj ban ngaroto na tangkèrèan tjè' èngerra. Na'-kana' bhoeroe bhareng ngabas ḍă' băbă è lobăng djarèja arassa bang-abangan (ghijang).
,,Hé, ondhoer!" tja'na manḍoér sè adjaga è djadija sambi negghoe' lengngenna Amina, sè lagghis tabhentora băn pettè radja, sè èpakalowar ḍări ḍălem lobăng bhoeroe.
Orèng kaempa' djărèja pas adjhälän terros napa' è ḍèk aḍă', kennengnganna sarḍăḍoe Djhăbă bän binèna sarta kenneng- nganna orèng sè madjar tambhängan modă.. Kolè'na ghed- dhang ban èn-laènna ngalarkar tjè' ressemma, ta' lèboer abǎs- anna, nandha'ăghi, djha' sè nompa' è djadijă ta' ressèkan.
Orèng kaempa djărèja ladjhoe toron è anḍha napa' è kennengngan kellas ḍoewa'. E djadija bada mèdjă băn băngkoena ḍări kadjoe. Soekoer băn tamojja maso' è kamar kènè', landjhăng băn lèbärră ta' lebbi ḍări 2 M.; è djǎdijă bădă randjăng bessèna pa'-empa' ètorson wa'-ḍoewǎ', băn polè korsè daḍoewa'. Manot kandhana Soekoer, mon bănnja orèng sè nompa' è kellas ḍoewa', kamar djarèja èkennengngè orèng kaempa', tapè mon tjoma sakonè', nèng èkennengngè orèng sorang otabă ḍoewǎ'.
Kadir ngotja' è ḍălem atèna: ,,Kamar tjara rèja rădjana tanto korang legghă èkennengngè orèng kaempa', molana katèḍoenganna ètorson. Djhă' sèngko'a sè nompa', tanto mèlè katèdoengan sè è-tas-attas; dhăddhi saopama katèḍoenganna bhoerto'a, sèngko' laboe teppa' è kantja sè
