man ka binilanggo nga nagbatyag sing kalipay sa iya kaugalingon
nga sia nagpangastigo man sa ibán. Mataas sila nga mga tawo,
nga maligdong sing mga pangguyahon nga wala gid maiwagi sing
bisán diutay nga silak sang yuhóm; ang ila mga kalimutáw, wala'y
sapayán nagkililán kon ang látigo nga naghagunós magtupâ sa ila
mga abaga, ukon ang mga naglalabay mag-itsa sa ila sang upos
sang isa ka tabako nga daw humog sing laway kag nagkapadpad;
kuhaon sang labing' malapit kag taguon niya gilayon sa iya sadok:
ang iban matulok lamang sa iban nga naglalabáy sa sinang' panulok nga may kinatuhay. Daw ginpamatian niya gihapon ang rinagasras sang mga bató nga ginbubò sa pagtabon sang mga batsi kag
ang tunog nga masadya sang mabug-at nga mga talikalâ sa ila
mga batiis nga natais. Nadumdomán ni Ibarra nga nagkurog
gihapon ang isa ka butang nga iya nakita nga nagpilas sang iya
handurawan sang diutay pa sia: isá yadto ka udto nga naghulog
sang iya labing' mainit nga mga silak. Sa silong sang isá ka karo
nga kahoy naghamyang sa isa ka tawo, nga nagpapalang-uy-oy,
ang iya mga matá halos nagkipot; ang duhá ka tawo, mahipos nga nagkaayo sang isá ka papagpapag nga kawayan nga
walá pagpamulugsò, walâ paghinakit, walâ sing kataká, nga amó
ang ugali sang mga tumandok.— Karon ikaw, bwas kami naman, —hambal ang sang isá sa isa. Ang mga tawo naglilibot nga
walâ magsapak sa iya nga masako; ang mga babae nagliligad, gintulok nila kag ginpadayon ang ila paglakát; ang hitabô naanaran
na, nakibulan na ang mga tagipusuon; ang mga karwahe nagdinalagan nga ang ila binarnisan nga kalawasan nagkilan sa mga
silak sang masili nga adlaw sa langit nga wala sing gal-um; sa iya
lamang, isá ka batà nga napulò kag isá ka tuig, nga bag-o lamang
nagsampot gikan sa banwa, nakapatandog sa iya, sa iya lamang
nakapakugmat ang amó nga hitabo sang pagkagab-i.
Wala na yadto'ng maayo kag dungganon nga Puente
de Barcas,1 yadto'ng taytay nga tunay nga pilipinhon, nga naghimò
sang tanan nga masarangán sa pag-alagad wala'y sapayán sang
madamò niya nga kakulangán, nga maulbo man kag makulpà sa
_____________________________
(1) Puente de Barcas — Sa atubangan sang ganhaan sang Parián, may isá ka daku nga taytay nga salsalon nga nagaangót sa Manila sang arabal sang Binondo. Iní nga matahúm nga tulay nga ang iya mga kasangkapan ginhimo sa Paris, ginbuksan sang nahauná sang Enero, 1876, nga ginhingalanan nga Puente de España. Ang duóg nga nahamtangán sadto sang amó nga taytay nahamtangán karón sang Taytay Jones.
