kalibutan paagi sa may duhá ka rehas nga bintanà kag sa idalum
pa sang pagbantay sang Madre-Escucha,20 nagpuyo siá sing pitó
ka tuig.— Ang tagsa sa ila, nga may gintan-aw sa isá kag isá
kag nakahangóp sang ginkaisahan sang duhá ka pamatan-on,
sanday D. Rafael kag Kapitán Tiago naghisugot nga minyùón
ang ila mga anák kag ginhiwat nila ang isa ka kahayagán sa
katilingban. Ini nga hitabô nga ginhiwat sang pilá ka tuig sang
nakataliwan na ang pamatan-on nga si Ibarra, naghatag man sing
subong nga kalipay sa duhá ka tagipusùon21 nga ang tagsa sa ila
nahamtang sa magkahilayò nga duóg sang kalibutan kag sa idalum
sang nagkatuhay nga mga hitabô.
(20) Madre-Escucha Ang tumoluo nga sa mga kombento kag mga kolehiyo sang kabataan nga babáe may hilikutón sa pagbuylog sa kabataan nga magabaton sang mga dumuloaw, kag magbantay sa ila sa tanan nga kalalangan sang isa ka espiya.
(21) Duhá ka tagipusuon Si Rizal nagsakay pa-Barcelona sang ika- 3 sang Mayo sang 1882; sa isá ka pulong sang wala pa sia makadangat sa 21 ka tuig nga kagulangón Si Rizal nagbilin sing isá ka kahagugma sa Manila, isa ka maayuayo nga pamatan-on nga ginhingalanan kay Leonor Rivera sang Camiling (Pangasinan), nga iya ginhigugma sing tuman; ang iya laragway, ginasugid nila, nagakaangay sa iya sang mayuyom nga si María Clara sang Noli Me Tangere,
