gatos ka pesos, apang ini mahimb nga barato kon talupangdon ang
k ahimay aan nga makuha sang Hoy sang Dios gikan sa mga aliling
sang kalayo, mga kohete, mga pagpinalupok ukon mga berso nga
am6 ang ila didto pagtawag, kon binagbinagon ang dalagkb nga
mga saplid nga, salamat sa sini nga mga misa, matigayon sa nabilin nga bahin sang tuig.
Apang ang Antipolo indi lamang kay amo ang duog sang iya magahod nga pagtuo. Sa Binondo, sa Pampanga kag sa banwa sang San Diego, kon may ibulang sia nga isa ka manok nga may dalagko nga mga taya, nagpadala sia sa pari sing mga kwarta nga bulawan sa mga misa sa kaluoy, kag katulad sang mga romanhon nga nagpamangkutanon sang ila kapalaran sa wala pa sila makakadto sa pag-awayan nga naghatag sing mga tuluk-on sa mga pisu nga balaan, si Kapitan Tiago nagpangunsolta man sang iya mga kapalaran sa paagi nga nagkaanyb sa amo nga mga panahon kag sa mga bag-o nga kamatuoran. Ginpanilagan niya ang pagdabdab sang mga kandila, ang aso sang mga kamangyan, ang paningog sang pari kag iban pa, kag sa sini tanan gintinguhaan niya ang pagtagna sang iya palaabuton nga kapalaran. Butang nga ginpatihan nga si Kapitan Tiago maparot man sa pila ka pagpusta, kag ini nagikan sa hitabo nga ang tagmisa basag sing paningog, diutay ang suga, ang mga kandilaan natam-an na sing sibo, ukon may nakasimpon nga di-tunay nga kwarta nga ginhalad, kag iban pa; ang bumalantay sang talapuanan sa paghiliutod sa pagtuluohan nagpasalig sa iya nga ang amo nga kaparutan mga pagtilaw lamang sa iya sang langit agud masayran gid ang tunay niya nga pagsalig kag pagtiio. Palangga sang mga pari, gintahod sang mga sakristan, gin-ulit-olit sang mga insik nga manoghimo sang mga kan dila kag sang mga manoghimb sang mga pwego artepisyal, sia ang malipayon nga tawo sa pagtuluohan sini nga duta, kag ang mga tawo nga lutaw kag dalagko nga tumoluo nagkilala man sa iya nga may dakd nga pagtamod ang hukmanan nga langitnon.
Nga sia mahidaiton sa pangulohan, indi pagpangduhadohai bisan nga daw mabudlay ina nga butang. Indi takos makapanumdom sang isa ka bag-o nga panghunahona, kag malipayon sia sa iya mga kalalangan sa pahgabuhi, handa sia sa pagtuman tubtob
