502NOLI ME TANGERE
kadumdom kamó? Yadtong' sa iya balay nagsinaot kitá kag nagkinàon kitá sang pagpandot sa Tondo...
—Yadto'ng may duhá ka anák nga babáe? Kag anó?
—Ang babáe bag-o lamang karón nga hapon makadulot sa Kapitan Heneral sing isá ka singsing nga may bili nga isá ka libo ka pesos!
Ang pihák-kamot nagbalik.
—Matuod? Kag tungod sa anó? — Pamangkot niya nga nag-inggat ang iya mga matá.
—Ang babae nagsilíng, nga dulot kunó sa Paskwa...
—Ang Paskwa indi pa mag-abót sa sulód sang isá ka bulan!
—Nahadlok siá nga maabot ang bagyo sa iya . . . hambal sang daku nga babáe.
—Kag nagapanagáng siá nga daan, — sugpon sang maniwang nga babae.
—Ang padyà nga walâ ginakuhàa, isá ka pagpakilala sang salâ.
—Sa sinâ nagahunâhonà akó; binutáng nimo ang tudlo sa pilás.
—Kinahanglan nga tan-awón inâ sing maayo, sabát sang pihák-kamót nga nagpanumdom. — Ginakahadlukán ko nga didto may natakpan nga kuring.
—Natakpan nga kuring ina! Amó inâ ang akon isilíng, — sulit sang maniwang nga babáe.
—Kag akó, — hambal sang isá nga umagaw sang sugilanon. — Ang asawa ni Kapitán Tinong tama kainot ... walà pa gihapon sa amon makahatag sing anó nga dulot kag sa sinâ nga nakapuyo pa kami sa ila baláy. — Labí na gid kon ang isá nga kuóm kag mainot nga babáe maghatag sing isá ka diutay nga dulot nga isá ka libo ka pesos...
—Apang matùod bala inâ? — Pangkot sang pihák-kamót.
—Kag may tuman nga kamatùoran! Kag tuman kapat-od! — Ginsugid ina sa akon prima sang iya nobyo, ang kabulig sang Iya Taslangdon. Kag nagapati akó nga amó man inâ nga singsing ang gingamit sang magulang niya nga anák nga babáe adlaw sang pandot. Masamí nga punô siá sing mga bato-maidlak!
—Isá siá ka eskaparate nga nagalakát!
