460
—Vascongado, apang ano ang labot nimo? —Pamangkot niya nga may katingala.
Kinuom ni Elias ang iya kamot, dinuot niya sa iya agtang kag tumulok kay Crisostomo, nga umisol sang mabasa niya ang balatyagon nga lumotaw sa iya nawong.
—Nakahibalo ka kon sin-o yadto si Don Pedro Eibarramendia? — Pamangkot niya nga nagpagot. Si Don Pedro Eibarramendia amo yadto’ng maluib nga nagbutangbotang sa akon lolo kag nanginkabangdanan sang tanan namon nga malaot nga kapalaran... Pinangita ko ang iya ngalan, kag hinatag ka sang Diwa sa akon... bayari ak6 sang amon mga kalaglagan!
Tinulok sia ni Crisostomo nga naurongan, apang binuklas sia ni Elias sa butkon, kag hinambalan sia sa tingog nga mapait nga nagbagrong sa dulonggan:
—Tuloka ako sing maayo, tuloka kon bala nagbatas ako, kag ikaw nagapangabuhi, nagahigugma, may manggad ka, may puloyan, ginahangad, nagakabuht ka . . . nagakabuhi!
Kag wala sa iya kaugalingon, dumalagan sia pakadto sa isa ka diutay nga tinipon nga mga hinangiban, apang halos niya makuha ang duha ka punyal, pinabay-an niya nga nahulog sa iya mga kamot, kag tinulok nga daw buang si Ibarra nga padayon nga wala maghulag.
—Ano ang akon himuon?—kibot niya kag nalagyo sia sa balay.
