- 457
bituon;(3) lamang nga ginapangabay ko nga paathagan mo nga ako ang nagpabalasan sa imo.
—Paathagan Padre, paathagan, kag ayhan mabugayan ka sing isa ka mitra (puni sa ulo nga ginagamit sang mga obispo)! — Sabat sang alperes nga kumisay, nga nagtulok sa mga manggas sang iya uniporme.
—Gani nga padal-an mo ako sing apat ka gwardya nga wala'y uniporme, ha? Maghalong! Karon sa gab-i sa ikawalo ang takna maulan ang bituon kag mga krus.
Samtang ini nagkahanabb, may isa ka tawo nga nagdalagan sa dalan pakadto sa balay ni Crisostomo kag nagsaka sa hagdan nga madasig.
—Yari dirt ang giniio? — Pamangkot sang tingog ni Elias sa suloguon.
—Yara sia sa iya hulot may ginahikot.
Si Ibarra, sa paglingaw sang iya kataka nga nagpaabot sang takna nga makapanaysayon sia kay Maria Clara, nagpangutikoti sia sa sulod sang iya laboratoryo.
—A, ikaw gali, Elias! — Hambal niya nga nahayanghag. — Nagpanumdom ako sa imo; kahapon nalipat ako magpamangkot sa imo sang ngalan sadto nga katsila nga sa iya balay nakapuyo ang imo lolo.
—Indi kita magsugilanon nahanungod sa akon, ginuo...
—Tan-awa,— padayon ni Ibarra nga wala niya mamutiki ang kakugmat sang pamatan-on kag pinahilapit niya ang isa ka lipak nga kawayan sa kalayo, — nakatukib ako sang isa ka daku nga butang: ini nga lipak indi masunog...
—Indi paghambala, giniio, ang lipak nga kawayan sa karon! Kundi dapat nimo tipunon ang imo mga papel kag magpalagyo sa sulod sang isa ka minuto.
Nakibang si Ibarra sa pagtulok kay Elias kag, sa pagtan-aw sang kabug-at sang iya nawong, nadagdag gikan sa iya mga kamot ang butang nga iya gin-uyatan.
—Sunoga ang tanan nga makapalain sa imo kag sa sulod sang isa ka taknil makita ko ikaw sa isa ka duog nga labi ka hilway.
—Kag tungod sa ano — Pamangkot niya sa katapusan.
(3) Mga krus kag mga bituon — Mga puni nga ginahatag sa maayo nga binuhatan kag bilang nagpasaka sang katungdanan.
