386
Halos lang makaabot ang wala makilal-i nga tawo, sang ang isa man ka tawo, hinali nga gumwa gikan sa likod sang isa ka dakfl nga bato pumalapit kag humunos sang isa ka rebolber.
—Sin-o ka? — Pamangkot niya sa tinagalog sa tingog nga may gahum, nga pinanganga niya ang gato sang iya hinangiban.
—Yara bala sa inyo ang tigulang nga si Pablo? — Pamang kot sang nahauna sa tingog nga matawhay, nga wala magsabat sa ginpamangkot sa iya kag wala magpakita sing kahadlok.
—Ang ginahambal mo, ang Kapitan? Huo, yari diri.
—Hanti singgana sia nga diri nagapangita sa iya si Elias, — siling sang tawo nga dill liwan kundl ang kalatingalahan nga timonil.
—Ikaw bala si Elias? — Pamangkot sang isa nga may kataha kag pumalapit, nga wala niya pag-ibulag ang pagpatumtom sa iya sang iya rebolber. — Hand ... kari ka.
Sumunod si Elias.
Sumulod sila sa isa ka daw gikab, nga nagsalop sa idalum sang duta. Ang manogtuytoy, nga nakahibalo sang alagyan nagpatimaan sa timonil kon kinahanglan ang pagdulhog, ang paghilay ukon ang pagpaguyod: wala’y sapayan wala sila magdugay kag nakaabot sila sa isa ka daw kadak-an, nga masagil-um nasug-an sang mga sulo nga bagtik, nga nasudlan sang napulo kag duha ukon napulo kag lima man ka tawo nga lupit sa hinangiban, nga bulingon ang ila mga nawong kag ang ila mga panapton indi magkalaamo, nga ang iban nagpulungko, ang iban naghiligda, kag halos nagsinugilanonay ang isa kag isa. Natungtong ang iya mga siko sa ibabaw sang isa ka bato, nga gingamit nga latok nga sulolatan, kag nagtulok nga madalum ang panumdoman sa suga nga naghatag sing diutay nga kasanag sa madamol nga aso, makita ang isa ka tigulang nga masubo sing pangguyahon, ang ulo naputos sa isa ka duguon nga wagkos: kon wala naton masayri nga isa yadto ka gikab sang mga tulisan, makasiling kita, sa pagbasa sang kasakitan sa guya sang tigulang, nga amo ini ang Tore sang Gutom sa adlaw sang wala pa makaon ni Ugolino ang iya mga anak.
Sang pag-abot ni Elias kag sang iya manogtuytoy, ang mga tawo halos nagbalangon, apang sa isa ka hagyu sang naulihe naglinong sila nga gintulok lamang nila ang timonil, nga wala gid sing mga hinangiban.
