— Kag ikaw nga daw nakapanglugayaw sing madarnb . . . sugiri kami . . . ano ang labing’ dalayawon nga butang nga imo nakita? — Pamangkot ni Laruja.
Daw nanumdom si Ibarra.
— Dalayawon sa ano nga bagay?
— Halimbawa abi . . . sa pagkinabuhi sang mga banwa . . . pangabuhi sa katilingban, politika, pagtuluohan, sa tanan nga butang, sa kaundan, sa kabilugan . . .
Si Ibarra nanumdom pa gid sing malawiglawig.
— Sa pagkamatuod, ang makatilingala sa amo nga mga pungsod, kuhaon ang kaugalingon nga bugal nga pungsudnon sang tagsatagsa ... Sa wala pa nakon maduaw ang isa ka pungsod. gintinguhaan ko ang pagtuon sang iya maragtas, sang iya Exodo* ukon libro sa pagtuluohan ni Moises, kon sarang ko masiling, kag pagkatapos ang tanan makita ko nga kinaandan lamang; nakita nakon sa gihapon nga ang kauswagan ukon pagmusmos sang mga banwa yara nagikan sa ila mga kahilwayan ukon mga palalig ban, kag subong man sa mga pag-antos kag sa mga pagpaiyaiya sang ila mga katigulangan.
— Kag wala na ikaw sing nakita Iwas sina? — Pamangkot sang pransiskano nga kumadlaw nga may pagyaguta, nga kutob sang masugdan ang panihapon wala gid magbungat sing bisan isa ka taga, nga nalingaw sa pagkaon. — Indi makabayad nga sa wala sing naigban hinguyangon mo ang imo manggad sa paghibalo sang kadiutay nga butang! Maskin sin-o nga bata sa buluthban nakasayod sina!
Naunay ang panulok ni Ibarra nga indi makahibalo kon ano ang iya ihambal: ang iban, nga natingala, nagtinulokay kag nahangaw-an nila nga mahanabo ang isa ka eskandalo. Ang panihapon dali na lang matapos kag ang Iya Reberensya nabusog na.
— ang ihambal kuntani sang pamatan-on, apang pinunggan niya kag naghambal lamang sang masunod:
— Mga ginuo, ayaw kamo magkatingala sa mga pagbilang sa akon sang aton tigulang nga kura, — amo ini ang pagbilang niya sa akon sang ako bata pa, kay sa Iya Reberensya wala paglipas ang mga tinuig, — apang ginapasalamatan ko ini kay nagapaha-
(8) Exodo — Sa tumod nga kahulogan amo ang tig-ulo sang ikaduha nga libro rang lima ka libro sang Daan nga Testamento ni Moises, diin ginasugid ang paggwa sang mga taga-Israel gikan sa Egipto; sa liwan nga kahulogan, amo ang paglugayaw sang mga pumoluyo sang isa ka banwa nga nagasaylo, amo ang pagbaylubaylo sang pangabuhi sang isa ka banwa, ang iya pagpanibag-o ang iya Maragtas.
