- 323
kortina nga husi kag pinya. Ang iya itum nga mga buhok, nga
nabanhay nga claw marko palibot sa iya daw itlog nga nawong,
nagpadugang sang iya nagsihag nga pagpalangluspi, nga ginhatagan lamang singkabuhi sang iya dalagkb nga mga mata, nga
napun-an sing kasubb. Sa iya iuyo yara ang duha niya ka abyan
nga babae kag si Andeng nga may isa ka pungpong sang mga
asusena.
Hinimulsohan sia ni De Espadana, tinan-aw ang iya dila, naghimb sing pila ka pamangkot, kag naghambal sia nga iya hinulag ang iya ulo sa pihak kag pihak:
—Na . . . nagamasakit sia, apang sarang mabulong! May bugal nga tinulok ni Donya Victorina ang mga nagtalambong.
—Liquen(24) lakip sa gatas sa aga, pulot sang alteya, duha ka pildoras nga sinoglosa! — mandii ni De Espadaña.
—Magpakabaskog ka, Clarita, — siling ni Donya Victorina nga pumalapit. — Nagkari kami sa pagbulong sa imo... Ipakilala ko sa imo ang amon primo!
Si Linares nalingaw, nga nagtulok sa masili nga mga mata nga daw may ginpangita. kag wala niya mabatii si Donya Vic torina nga naghinambit sa iya.
—Gg. Linares, — siling sa iya sang kura nga tumoblag sang iya kalingaw. — Yari si P. Damaso nag-abot.
Sa pagkatutuo nag-abot si P. Damaso, nga maluspi kag may diutay nga kasubb; sang pagbiya niya sa iya hiligdaan ang nahauna niya nga ginduaw amo si Maria Clara. Indi na sia si P. Damaso sadto, nga tuman kabakod kag matanlas nga magpamulongpulong; karon nagatikang sia nga mahinay kag daw may pagpangduhadoha.
(24) Liquen — Sari sang tanum nga ginadukdok kag ginasakot sa gatas nga inogpurga.
