- 368
pangduawdoaw sa tanan katulad sang ginhimd sang iban nga mga
mediko, pinili sia ni Kapitan Tiago sa pagbulong sang iya anak.
Nahanungod sa pamatan-on nga si Linares, tuhay na iya nga butang. Sang ginhimos ang pagpanakayon pa-Espana, si Donya Victorina nanumdom sang isa ka administrador gikan sa Espana, nga wala magsalig sa mga pilipinhon: nadumdoman sang bana ang isa ka hinablos sa Madrid, ang nagtuon sa pagkamananabang kag ginbilang nga amo ang labing’ maabtik sing ulo sa panimalay; hanti sinulatan nila, nga binayaran nga daan ang iya pasahe, kag sang madula ang damgo, ang pamatan-on nakapanakayon na. Amo ini ang tatlo ka tawo nga bag-o lamang mag-abot.
Samtang nagkaon sila sang ila ikaduha nga pamahaw, nagabot si Fr. Salvi, kag ang mag-asawa nga nakakilala na sa iya nagpakilala sa iya sang pamatan-on nga si Linares lakip sang iya mga titulo, nga bumatyag sing kahuya.
Naghambal sila nahanungod kay Maria Clara nga amo ang ginpaabot; ang pamatan-on nga lin-ay nagpahuway kag naghigda. Nagsinugilanon sila nahanungod sang panakayon; si Donya Vic torina nagpasundayag sang iya mga tinaga nga nagtamay sang mga pamatasan sang mga taga-puod, sang ila mga balay nga nipa, sang ila mga taytay nga kawayan, nga wala malimot sa pagsugid sa kura sang iya kahirop sa ikaduha nga kabo, sa sina nga Alkalde, sa sina nga tagpamati, sa sina nga manogdumala, kbp., mga tawo nga mataas sa katilingban nga may daku nga pagbilang sa iya.
—Kuntani nagkari ka sang duha ka adlaw nga nagligad, Donya Victorina, — siling ni Kapitan Tiago nga nagdulog sing makadall. — Kuntani nagkitaay kam6 sang Iya Taslangdon, ang Kapitan Heneral: didto sia nakapungko.
—Ano? Nano kuno? Nakakari diri ang Iya Taslangdon? Kag sa imo balay? Butig!
—Ginasiling ko sa imo nga didto sia nakapungko. Kuntani nagkari ka sang duha ka adlaw nga nagligad...
—A! Kanugon nga si Clarita wala magmasakit sadto! — Hambal niya nga may tutuo nga paghinulsol, kag inatubang niya si Linares.
—Nakabati ka, primo? Nakakari diri ang Iya Taslangdon! Nakita mo nga may katarungan si De Espadana sang pagsiling niya sa imo nga indi ka magakadto sa balay sang isa ka makaluluoy nga indyo? Kay mahibal-an mo, Don Santiago, nga ang
