- 350
ko nga punban, nakasugilanon sa iya sa bug-os nga hapon kag
indi ako ang maghatag sa ila sing isa ka leksyon.
—Kon indi mo sia pagpahalinon diri, magwa kami.
— Ginakasubban ko gid ina, apang indi ako makapahalin diri bisan kay sin-o.
Ang kura naghinulsol, apang wala na sia sing mahimb. Naghagyb sia sa iya kaupod, nga nagtindog gilayon kag ang duha naghalin. Gin-ilog sila sang mga tawo nga sumolunod nila nga pumasiplat gid anay sing panulok nga may kaakig kay Ibarra.
Ang mga hinuringhoring kag mga hinutikhotik nagdugang: gani nga nagpalalapit kag nagyaob ang nagkalainlain nga mga tawo sa pamatan-on kag magsiling:
—Kami amon nagabuylog sa imo; ay aw ka magsapak sina sa ila!
—Sanday sin-o sila? — Pamangkot niya nga may katingala.
—Sila nga naggulowa sa paglikaw sang imo pagpalapit!
—Sa paglikaw sang akon pagpalapit? Akon pagpalapit?
—Huo! Siling nila nga sinikway na ikaw sang simbahan.
Si Ibarra, nga nabulong, wala sing nahunahonaan nga ihambal kag nagtulok palibot sa iya. Nakita niya si Maria Clara nga nagtabon sing abaniko sa iya nawong.
—Apang mahimb bala? — Pilit nga namitlang niya sang ulihe. — Sa gihapon yari pa kita sa madulom nga panuigon? Kon amo. . . .
Kag nagpalapit sia sa mga pamatan-on nga babae kag ginliwat niya ang iya hambal.
—Pasayluha ninyo ako, — siling niya, — nalipatan ko ang isa ka kaladtoan; mabalik ako sa pagbuylog sa inyo . . .
—Pagpabilin ka! — Hambal sa iya ni Sinang. — Si Yeyeng masaot sang “La Calandria”; daw langitnon sia kon sumaot.
—Indi ko mahimb, abyan ko, apang mabalik lang ako!
Nagdugang pa gid ang mga hinuringhoring.
Samtang si Yeyeng naggwa nga nagpanapot sing tinarso nga nagsiling “Mahatag ka sang imo pahanugot” kag iban pa, nag palalapit ang duha ka soldado sang gwardya sibil kay D. Filipo, nga nangayb nga untatan ang gwa.
—Kag tungod sa an6? — Pamangkot sini nga natingala.
—Kay ang alperes kag ang iya asawa nagtapungolay kag indi sila makatulog.
