- 325
kag ginahikot sa kadulmanan ang isa ka labing’ mabaskog nga
pagpamatok. Ang maayo nga kabubut-on wala makulang sa aton
mga manogdumala, apang napilitan kami sa pagpanginpulos sang
bulig sang mga mata kag mga butkon sang iban, nga sa masunson
wala namon makilal-i, nga ayhan sa baylo nga mag-alagad sa inyo
pungsod, nag-alagad lamang sa ila kaugalingon nga mga kaayuhan. Ina indi sayop namon kundi sang mga butang nga nagakahanabb; ang mga prayle nagabulig sa amon sing dili diutay
sa pagpalakat apang indi pa tuman... ikaw nagapabugtaw sa akon
sing kabalaka kag ginahandum ko nga ang mga butang nga salabdungon sa aton karon kahimtangan sa pangulohan indi makahalit
sa imo sa maskin ano nga bagay... indi ak6 makabantay sang tanan,
bisan ang tanan indi man makapalapit sa akon. Sarang ako makabulig sa imo sing diutay, may butang ka nga pangayuon?
Si Ibarra nagpanumdom.
—Ginuo, — sabat niya, — ang akon labing daku nga handum amo ang kalipayan sang akon pungsod, kalipayan nga kuntani magikan sa Iloy nga Pungsod kag sa paghimud-os sang akon mga kasimanwa, nga gin-angot ang duha sang wala’y katapusan nga mga higot sang pagtinamdanay kag kaangay nga mga butang sa ikaayo sang isa kag isa. Ang akon ginapangayo nga makahatag lamang ang Pangulohan sa tapos ang madamb nga tinuig sang pagpangabudlay sing dalayon kag pat-od nga mga pagpanibag-o.
Gintulok sia sang Iya Taslangdon sing pila ka tion sa panulok nga si Ibarra wala magliwat sang iya nawong.
—Ikaw ang nahauna nga tawo nga akon ginpakigsugilanonan sa sini nga pungsod! — Hambal nga may kakunyag sang Iya Tas langdon nga iya gintan-ay ang iya kamot kay Ibarra.
—Ang Iya Taslangdon nakakita lamang sang mga nakakadto sa siudad, wala ka makaduaw sa ginatamay nga mga payag sang aton kabanwahanan: Ang Iya Taslangdon nakakit kuntani sang tutuo nga mga tawo, kon ang magpakatawo tuman na nga may maalwan nga tagipusuon kag kinaandan nga mga batasan. Ang Kapitan Heneral tumindog kag buot matikangtikang hairn sa isa ka higad pakadto man sa isa ka higad sang kadak-an.
—Gg. Ibarra, — hambal niya nga dumulog sing hinali, — ang pamatan-on tumindog; — ayhan sa sulod sang isa ka bulan mahalin ako; ang imo tinun-an kag ang imo pagpanghunahona indi bagay sa sini nga pungsod. Ibaligya ang tanan mo nga pagkabutang,
