- 323
kilal-i nga sakop sang Iya Kagamhanan nga katulad sa akon, indi
hustisya, kundi isa ka pinautang nga kabubut-on.
—Maayo, maayo! — Siting sang I. T. nga pumungkb kag tinudlb sa iya ang isa ka pulungkban. — Magbatyag kita anay sing katawhay sa makadali; nalipay gid ak6 kaayo sang imo ginbuhat kag nakahingyb na ako sa Pangulohan sang Iya Kagamhanan nga punihan ka tungod sang imo maalwan nga kaisipan sa pagpatindog sing isa ka buluthban . . . Kon abi ginsulatan nimo ako, nakatambong ako sing malipayon sa palatuntonan kag ayhan nalikawan pa nimo ang malain nga kabubut-on.
—Ang kaisipan sa akon diutay kaayo nga butang, — sabat sang pamatan-on,—nga wala ako magtiio nga tuman ka dungganon sa pag-agda sang igtalupangod sang I.T. gikan sa iya madamb nga alatipanon; labot pa, ang akon katungdanan amo ang pagsulat anay sa nahauna nga punban sang akon puod.
Ang Iya Taslangdon humolag sang iya ulo nga nalipay kag sa tagsa ka tion nagdugang ang iya kahamuot, nagpadayon sia sa paghambal:
—Nahanungod sa paglainay ninyo sing buot ni P. Damaso, ayaw ka maghupot sing kahadlok ukon mga katahap: indi sia makatandog sang bisan isa ka nahot sang imo buhok, samtang ako ang nagadumala sang Kapuloan; kag kon nahanungod sa pagsikway sa imo sang simbahan, hambalon ko ang Arsobispo, kay kinahanglan nga magpaiguigo kita sa mga butang nga nagakahanabo: diri indi kita makakadlaw sa sini nga mga butang sa atubangan sang banwa katulad sa Peninsula ukon sa matin-aron nga Europa. Sa tanan, dapat nga sa masunod maghalong ka sing labi; nagapakig-atubang ka sa mga kumboyahan sa pagtuluohan nga, tungod sang ila pagkamaiahalon kag manggad, kinahanglan nga tahuron. Apang apinan ko ikaw kay maluyag ako sa maayo nga mga anak, luyag ko nga padunggan ang handumanan sang mga ginikanan; ako man naghigugma sang akon mga ginikanan kag mabuhi ang Diwa! Ambot kon ano ang akon ginhimb kon ak6 ang sa imo kaugalingon ...
Kag ginbayluhan gilayon ang sugilanon, namangkot sia:
—Ginsugiran nila ak6 nga ikaw nag-abot gikan sa Europa; nakakadto ka sa Madrid?
—Huo, ginuo. pila ka bulan.
