—MALUYAG AKO magpakigsugilanon sa sina nga pamatanon! — Siling sang lya Taslangdon sa isa ka kabulig. — Nakabuyok
sia sang tanan ko nga kabalaka.
—Naglakat na sila sa pagpangita sa iya, heneral! Apang may yari diri nga isa ka pamatan-on gikan sa Manila nga nagapilit nga ipakilala sa imo. Ginsingganan namon sia nga ang Iya Tas langdon wala sing panahon kag wala magkari sa pagpakigkita bisan kay sin-o, kundi sa pagtan-aw sang banwa kag sang prosesyon, apang nagsabat sia nga ang Iya Taslangdon may panahon gid nga magamit sa paghatag sing hustisya ...
Ang Iya Taslangdon lumisb sa Alkalde nga natingala.
—Kon indi ako magsayop,—sabat sang Alkalde nga naghilay sing diutay, — sia amo ang pamatan-on nga karon nga aga may ginbaisan kay P. Damaso sa kabangdanan sang wali. —Isa pa? May tuyb ina nga prayle sa paggamo sang puod, ukon nagatuo sia nga sia nagamando diri? Singgana ang pama tan-on nga magsulod!
Ang Iya Taslangdon naglakatlakat halin sa isa ka utbong pakadto man sa isa ka utbong sang kadak-an.
Sa gawa sang kadak-an may pila ka katsila, nga nagsimpon sa mga militar kag mga punban sang banwa sang S. Diego kag mga pumoluyb; Nagginubangoban, nagsinugilanon kag nagbinaisbais sila. Makita man diri ang tanan nga prayle, Iwas lamang si P. Damaso, kag maluyag sila magsulod sa paghatag katahuran sa Iya Taslangdon.
(1) Ang Iya Taslangdon — Ang Gobemador kag Kapitan Heneral sang Filipinas. Ang pagdumala sang Islas Filipinas yara sa kamot sang isa ka puno kag pangulo nga ginatawag nga Gobemador Heneral nga nagapuyo sa Manila, nga ulosiudad sang kapuloan, kag ini sia indi mapahanugoran sa paghalin sa amo nga pungsod kon indi sa sugo gid sang Labing’ Mataas nga Gamhanan. Madason sa amo man nga palangakoan sa Cuba, amo ini ang ikaduha nga palangakoan kon nahanungod sa suhol kag sa pagka-malahalon nga ginabut-an sang Ministeryo.
