nga nagkibot sing palangadion kag nagpadalagan sing madasig
sang iya mga tudlo sa mga binantok sang rosaryo, nga amo yadto
ang paagi nga labing’ mahamuot sa pagtuman sang mga pagbuot
sang langit kag sa amat-amat iya sia nga gin-ilog.
Si Ibarra yadto sa isa ka higad: si Maria Clara, nagluhod malapit sa halaran nga daku sa isa ka duog nga pinahawanan sang kura sa mga sakristan. Si Kapitan Tiago, nga nagpanapot sing prak, nagpungkb sa mga bangkii nga pinatuhoy sa mga punban, tungod sini ang mga bata nga wala sa iya makakilala nagbilang sa iya nga isa ka gobernadorsilyo nga wala magpalangahas sa pagpalapit sa iya.
Sa katapusan umabot ang Gg. Alkalde kag ang iya mga katapo sa talatapan nga naghalin sa sakristiya kag nagpungko sa isa sang mga dalagko nga silyon, nga natungtong sa isa ka alpombra nga ginhumlad. Ang Alkalde nagpanapot sang iya bag-o nga uniporme nga may banda ni Carlos III kag may apat ukon lima pa ka puni.
Ang banwa wala makakilala sa iya.
—Aba! — Nahayanghag ang isa ka umanhon, — isa ka sibil nga nagapanapot sa pagkakomedyante!
—Buang! — Sabat sa iya sang iya kaingod nga sinikol sia, — sia si Prinsipe Villardo nga nakitll naton kagab-i sa teatro!
Nagsaka ang ranggo sang Alkalde sa mata sang banwa, nga nahimo nga engkantuhanon nga prinsipe. nga naglutos sang mga higante.
Ginsugdan ang misa. Ang tanan nga nagpulungkb nagtilindog, ang mga nagkalatulog nagbulogtaw sa mga kilingkiling kag sa malulot nga mga tingog sang mga manog-amba. Si P. Salvi, wala’y sapayan sang iya pagkaligdong, nagbatyag nga nalipay kaayo, kay nagbulig sa iya bilang dyakono1 kag kabulig nga dyakono sa iya pagmisa ang duha ka agustino.
Ang tagsa sa ila nag-amba, kon mag-abot sa iya ang iya tuka, maayo, sa tingog nga daw nag-agi sa ilong kag sa pagmitlang nga saliagum, Iwas sang tagmisa nga iya ginpakurog diutay, nga naglibagon indi lamang sa makapila, sa daku nga katingala sang tanan nga nakakilala sa iya. Apang wala’y sapayan naghulag nga nagkaigo kag may pagkaanyoan; ginmitlang niya ang Dominus Vobiscum sing matiniiohon nga pinahilay niya diutay ang iya ulo
_____________________
(1) Dyakono (diacono) — Alagad sa simbahan nga ikaduha sa pari.
