- Ang tagsa nagahambal sang perya
- sa iya pagdugok.1
- Ang tagsa nagahambal sang perya
WALA SING BUTANG nga malahalon nga nahanabò sa aton mga tinawo, bisán sang gab-i sang walâ pa ang pandot kag bisán sang madasón nga adlaw, maliktin kitá sa katapusan, kon indi naton pagpanumdumón nga ayhan ang isá ka bumalasa nga tagalwás maluyag maghisayod kon anó ang paghiwat sang mga pilipinhon sang ila mga pandot. Tungód sini huwarón naton ang bug-os nga nagkalainlain nga mga sulát, ang isá sa ila ang iya sang tinugyanán sang isá ka labing' maligdong kag kinilala nga pamantalaan sa Manila, talahuron tungód sang iya kaisipán kag tuman nga pagkaid-id. Ang aton mga bumalasa magatadlong sang pilá ka tagdiutay kag indì hungód nga mga sayóp.
Ang talahuron nga tinugyanán sang kinilala nga pamantalàan nagsulat sing amó iní:
"Gg. Manogdumala
"Kinilala ko nga abyan: Wala pa akó sing nasaksihán, bisán magpaabót nga makakità sa mga puód, sang pandot sa pagtulùohan nga tuman kaligdong, katahúm kag makatalandog katulad sang ginahiwat sa siní nga banwa sang mga labing' talahuron. kag matarong nga mga Paring' Pransiskano.
"Ang nagdulugok madamò kaayo: dirí ginkalipayan ko ang pagyaób sa halos tanán nga katsilà, nga mga pumoluyò sa siní nga puód, sa tatlo ka talahuron nga Paring' Agustino gikan sa Puód sang Batangas, sa duhá ka talahuron nga Paring' Dominiko. ang isá sa ila amó si labing' talahuron nga Paring' Hernando de la Sibyla nga ang iya pagtambong nagpadungóg sini nga banwa, nga indi gayód malimtan sang iya dungganon nga mga pumoluyò. Nakita ko man ang madamo nga kadalagkòán gikan sa Cavite, Pampanga, ang madamò nga manggaranon gikan sa Manila, kag madamò nga banda sa músika ang isá sa ila ang
_____________________
(1) Ang tagsa nagahambal sang perya sa iya pagdugok —Ang kahulogán
sini, nga ang tagsa nagahambal sang mga butang suno sa kapuslanan ukón kahalitan nga iya naagum sa amó nga mga butang.
