This page has been validated.
172
panaghoy sa mga gab-i nga madulóm kon magbagrong ang
unós.
Sa sini nga kahimtangan dumangat sa iya ang kagab-ihon. Ayhan ang langit naghatag sa iya sing pilá ka taknà nga katulugon nga sini nga mga taknà ang indì makità nga kuyós sang isa ka anghel, nagsag-id sa iya maluspad nga nawóng, pumalà sang iya panumdoman, nga bug-os nahil-ob sang kasakitan; ayhan ang madamo nga pagbatás indì na masarangán sang mapigaw nga kusóg nga tawhanon, kag mapalapit ang Ilóy nga Maluluy-on nga may matam-is nga inogpaumpaw, ang pagpalimot; amó balá ina ang nahanabo apang ang kamatuoran nga sang masunod nga adlaw, si Sisa naglakát nga nagkadlaw, nagamba ukón nagpakigsugilanon sa tanán nga butang sang kinaugali.
