sibil2 indi mga tawo, kundi mga gwardya sibil lamang: wala pagpamati sa mga pagpakitluoy kag naanad sa pagtan-aw sang mga luha.
Binatak ni Sisa ang iya mga mata sa langit, kag ang langit nagyuhom sa kasanag nga indi masaysay: ang pila ka puti nga mga panganod naglangoy sa masihag nga asul. Dumulog sia sa pagpugdng sang pagpalangurog nga naggahum sa bug-os niya nga lawas.
Ang mga soldado humalin sa iya balay kag nag-alabot nga sila lamang: wala sila sing nadakop Iwas sang isa ka bilog nga manok nga pinatambok ni Sisa. Nakaginhawa sia kag bumalik ang iya panumdoman.
—Ka pagkaayo sa ila kag mga maayo sing tagipusuon! — Kibot niya nga daw mahibi sa kalipay.
Kon abi ginsunog sang mga soldado ang iya balay apang pinabayaan ang iya mga anak nga manginhilway, si Sisa naghatag pa sa ila sing madamb nga pasalamat.
Tinulok niya liwat ang langit nga nagpasalamat, diin nakita niya ang isa ka panong nga mga tulabong, yana’ng manipis nga mga panganod sang kalangitan sang Filipinas, kag, pinabalik niya sa iya tagipusuon ang pagsalig, pinadayon niya ang iya paglakat.
Sa iya paghilapit sa amo nga mga tawo nga kalahadlukan, si Sisa tumulok sa tanan nga bahin nga daw nalingaw kag nagpahilum nga wala niya makita ang iya manok nga nag-iyagak nga nangayb sing tabang. Halos sia nakalabay sa ila kilid, luyag na sia madalagan, apang ang katahap pumahinay sang iya mga tikang.
Wala sia makaantad sing malayo sang mabatian niya ang gamhanan nga pagtawag sa iya. Nagpalangurog sia, apang pumakita sia nga daw wala niya mabatii kag dinayon niya ang iya paglakat. Tinawag sia liwat, apang sa karon sininggitan sia kag sa tinaga nga may kaakig. Bumalik sia wala’y sapayan nga batok sa iya kabubut-on nga nagpalangluspad kag nagpalangu rog. Ginsinyasan sia sang isa ka gwardya sibil.
(2) Mga Gwardya sibil — Ini sila amo bilang ang mga kostable kag mga polisiya insular karon. Sila ang manogpaluntad sang paghidait kag kalinong sa banwa, nagaapin sa mga katawohan kag sang mga pagkabutang sa gwa kag sa sulod sang mga poblasyon kag nagahatag bulig sa pagpatuman sang mga pagbulot-an.
