Nian binarukoy sia nga nagalaoy kag mamala nga pumahipos sa iya.
Sang ulihe tumindog sa bangkii sang mga tigulang ang isa ka tawo nga may kap-atan ka tuig nga may gawi sang pagkamatinaastaason. Sia amo ang manggaranon nga si kapitan Ba silio, kaaway sang napatay nga si D. Rafael, ang tawo nga nagsiling nga kutob sang mapatay si Sto. Tomas de Aquino ang kalibutan wala na mag-uswag bisan isa ka tikang, kag kutob sang iya paghalin sa S. Juan de Letran, 5 ang katawohan nagsugod sa pag-imol.
—Tugoti ninyo ako mga ginub nga mahambal ako sang isa ka butang nga tuman ka malahalon, — siling niya. — Nagauna ako sa paghambal, wala’y sapayan nga ang iban nga yari diri karon labi nga may kinamatarong sangsa akon, apang nagauna ako sa paghambal kay sa akon ang butang nga mag-una sa paghambal indi nagakahulogan nga una ang nahauna, subong man nga kon maghambal nga ulihe indi man nagakahulogan nga ang isa naulihe. Labot pa, ang mga butang nga akon igahambal may pagkamalahalon nga indi dapat paglipatlipatan ukon ipaulihe, ganl nga kon mahimb mauna ako sa paghambal agud mahatagan ang akon inoghambal sing duog nga iya naigban. Gam nga pahanugotan ninyo ako mga ginuo nga mauna ako sa paghambal sa sini nga sinapol diin nakita ko ang kinilala kaayo nga mga tawo katulad sang Gg. Kapitan karon, ang kapitan sang nagligad, ang akon kinilala nga abyan nga si D. Valentin, ang kapitan sang nagligad, ang abyan nakon sang diutay pa ako nga si D. Julio, ang aton bantog nga kapitan sang mga kwadrilyero, D. Melchor kag iban pa nga
(5) San Juan de Letran — Aqg isa ka katsila nga gintawag kay Juan Geronimo Guerrero, nga ginkilala kaayo sa iya maayo nga batasan, naghalad sang tanan niya nga paghimud-os sa pagsagod kag pagpatuon sang mga ilo nga kabataan nga katsila, nga ang iya gingamit ang iya kaugalingon nga manggad kag ang tanan nga natipon nga mga limos sang mga maluluy-on nga nagbulolig sa iya. Ang iya mga buhat sa kaluoy nakabaton sang bulig sang pangulohan subong man sang bulig sang labing’ mataas nga hubonpalamangkutan sang kapuloan. Gindulotan sia sang Hari sang Espana sing isa ka enkomyenda sa kailokanhan sa pagbulig sang iya mapuslanon nga buhat. Sang nagtigulang na sia kaayo si Guerrero nahimo nga isa ka dominikong* manogpatuo kag ginhatag niya ang iya balay sa katilingban sang pagtuluohan, subong man ang enkomyenda kag ang tanan nga iya naangkon, sa kasugtanan nga ang amo nga katilingban magpadayon sa pagsapupo sang mga ilo nga kabataan subong sang iya ginhimo. Tungod sini ang mga dominiko nagpatuon sa mga kabataan, kag sa pahanugot sang pangulohan kag sang arsobispo, ang balay ni Guerrero gin himo nga kolehiyo nga gintawag nga San Juan de Letran sang Hunyo 18, 1640. Ini nga kolehiyo didto anay sa Parian, dim kutob diri ginsaylo sang ulihe sa du6g nga ginatindugan niya karon.
