AYHAN IKAPITO ang takna sadto sa aga sang matapos ni Fr. Salvi ang iya katapusan nga misa: ang tatlo ginhiwat niya sa sulod sang isa ka takna.
— “Ang pari nagamasakit,” — siting sang mga tumoluo, — “wala sia paghulag nga may kalagnay kag kaanyoan sa kinaandan.”
Inuba niya ang iya panapot nga wala sing ginhambal bisan isa ka taga, nga wala magtulok bisan kay sin-o, nga wala gid maghambal sang bisan ano.
— Talupangdi!’ — Nagahutikanay ang mga sakristan. — Nagaburingot ang iya buot! Maulan ang mga multa, kag tanan tungdd sa sayop sang duha ka mag-utod!
Binayaan niya ang sakristiya sa pagsaka sa balay sang parokya nga sa iya gwa nga ginagamit nga eskwelahan naghulolat sa iya r.ga nagpulungkb sa mga bangkb ang pito ukon walo ka babae, kag isa ka lalaki nga nagtikangtikang halin sa isa ka higad pakadto sa isa man ka higad. Sang makita nila nga sia nagsampot, nagtilindog sila, isa ka babae pumalapit sa iya sa paghalok sang iya kamot apang ang pari pumakita sang kaaslum nga ang ba bae dumulog sa iya pagtikang.
— Ayhan ang kuripdt nadulaan sing isa ka real? — Hinali nga nahambal sang babae nga kumadlaw nga may yaguta, nga lu main ang iya buot sa am6 nga pagbaton. Indi pagpahalukan ang iya kamot sa iya, sa manogdumala sang Talapiianan sa Paghiliutod, kay utod Rufa! Ina wala pa mabatii.
— Karon nga aga wala sia makapungkb sa kompesyonaryo! — Sugpon ni utod Sipa, isa ka tigulang nga wala sing mga ngipon. — Maluyag ako kuntani magkompesar agud makapangalawat kag mabaton ko ang mga indulhensya.
— Naluoy ako sa imo!—Tugda sang isa ka pamatan-on nga talunghayag sing pangguyahon. — Karon nga semana nakakuha
